Allu Arjun : ఎన్నిక‌ల వేళ సెల‌బ్రిటీలు అంద‌రు కూడా విధిగా పోలింగ్ బూత్‌కి వెళ్లి ఓటు వేసారు. చిరంజీవి, అల్లు అర్జున్, ర‌వితేజ, నాని, రామ్ చ‌ర‌ణ్‌, చిరంజీవి ఇలా పెద్ద పెద్ద స్టార్స్ అంద‌రు కూడా విధిగా ఓటు వేశారు. కుటుంబ సభ్యులతో కలసి ఓటింగ్ కి వచ్చిన జూనియర్ ఎన్టీఆర్.. కెమెరామెన్లు చుట్టుముట్టే సరికి షాకయ్యారు. ఐదు పది నిమిషాలు ఓకే, ఆ తర్వాత కూడా కెమెరామెన్లు తమ దగ్గర నుంచి వెళ్లకపోయేసరికి.. “మీరు ఓట్లు వేయరా..?” అంటూ ప్రశ్నించారు. “మీరందరు ఇక్కడే ఉంటారా… ఓట్లు వెయ్యరా మీరు?” అని అడిగారు. ఆ ప్రశ్నతో కెమెరామెన్లు షాకయ్యారు.మీరు వెళ్లాక వేస్తామ‌ని కెమెరా మెన్స్ అన్నారు. టైమ్ సరిపోతుందా అని ఎన్టీఆర్ మరో ప్రశ్న వేశారు, సరిపోతుందంటూ కెమెరామెన్లు సమాధానం చెప్పారు. పక్కనే ఉన్న మరొకరు.. ఇందులో సగం మంది వేస్తారు, సగం మంది వేయరు అని సమాధానమిచ్చారు.
ఇక అల్లు అర్జున్ పొద్దుగాలే క్యూలో నిల్చొని మరీ ఓటు వేశారు. ఓటు వేసే స‌మ‌యంలో అక్క‌డ ఉన్న‌వారితో స‌ర‌దాగా మాట్లాడుతూ సంద‌డి చేశారు. సినీ సెలబ్రిటీల ఓటింగ్ కార్యక్రమం మీడియాకు పెద్ద పండగగా మారింది. అయితే పోలింగ్ కేంద్రంలో మీడియాతో మాట్లాడటానికి నటీనటులు వెనకడుగు వేశారు. చిరంజీవి మాత్రం ఇలా వెరైటీ సమాధానం చెప్పి నవ్వులు పూయించారు. చిరంజీవి అయ్యప్ప మాలలో ఉన్నారు. కుటుంబ సభ్యులతో కలసి ఓటు వేసేందుకు పోలింగ్ బూత్ కి రాగానే ఆయనను మీడియా ప్రతినిధులు చుట్టుముట్టారు. ఫొటోలు, వీడియోలకు చిరు సంతోషంగానే రియాక్ట్ అయ్యారు. పదే పదే మీడియా ప్రతినిధులు మైక్ ముందు పెడుతుండే సరికి ఆయన కూడా ఇబ్బందిపడ్డారు. అందుకే మౌనవ్రతం అంటూ మాట్లాడనన్నారు. అయినా కూడా వదిలిపెట్టకుండా వెంటపడే సరికి గొంతుబాగోలేదని చెప్పి తప్పించుకున్నారు.
అయితే ఎన్టీఆర్ ఈ రోజు ఏ పార్టీకి ఓటు వేశారో తెలిసిపోయిందంటూ కొంద‌రు ప్ర‌చారాలు చేస్తున్నారు. కాంగ్రెస్ పార్టీకే ఓటు వేశారని ప్రచారం సాగుతోంది. అంతేకాకుండా అందరూ అదే గుర్తుకు ఓటు వేయాలని కూడా పోలింగ్ కేంద్రం వద్ద సూచించినట్లు చెబుతున్నారు. దానికి ఈ వీడియోలే ప్రూఫ్ అంటూ చెప్పుకొస్తున్నారు. తనకు తెలిసిన వాళ్లు ఎవరో వస్తే ఎన్టీఆర్ చేయిపైకెత్తి మరీ ఉపాడు. ఈయన చేయి పైకెత్తి చూపించిన విధానంలో హస్తం గుర్తు ఉండగా.. ఆయన కావాలనే అలా చూపించారని నెటిజెన్లు చెప్పుకొస్తున్నారు. క్లియర్ గా కాంగ్రెస్ గుర్తుకే తాను ఓటేయబోతున్నట్లు, ప్రజలు కూడా అదే గుర్తుకు ఓటేయాలని సూచిస్తున్నట్లు వివరించార‌ని కొంద‌రు చెప్పుకొస్తున్నారు.
