Disco Shanti : లేడీ సూప‌ర్ స్టార్ న‌య‌న‌తార స్టైలే వేరు. అంద‌రిలా ఆమె ఫోటో షూట్స్ చేయ‌దు. సోష‌ల్ మీడియాలో అందాల అరాచ‌కం సృష్టించదు. సినిమాల వ‌ర‌కే గ్లామర్ షో చేస్తూ కుర్రాళ్ల గుండెల్లో రైళ్లు ప‌రుగెత్తిస్తుంటుంది. లేడీ సూప‌ర్ స్టార్‌గా ర‌చ్చ చేస్తున్న న‌య‌న‌తార వివాదాల జోలికి కూడా పోదు. కానీ అనుకోకుండా ప‌లుమార్లు విమ‌ర్శ‌ల బారిన ప‌డుతుంటుంది నయన్. తాజాగా డిస్కో శాంతి.. న‌య‌న‌తార బ‌ట్ట‌ల‌పై సంచ‌ల‌న వ్యాఖ్య‌లు చేయ‌గా, ఇవి ఇప్పుడు నెట్టింట హాట్ టాపిక్‌గా మారాయి. ఇటీవల ఓ ఇంటర్వ్యూలో డిస్కో శాంతి హీరోయిన్స్ ధరించే డ్రెస్సులపై బోల్డ్ కామెంట్స్ చేసింది.
సినిమాలో గ్లామ‌ర్‌గా క‌నిపించేందుకు డ్రెస్సుల ఎంపిక చాలా ముఖ్యం అని చెప్పిన డిస్కో శాంతి.. గ్లామర్ కాస్ట్యూమ్స్ ధరించినంత మాత్రాన ఏ హీరోయిన్ పై నెగెటివ్ ఇమేజ్ పడదు. న‌య‌న‌తార‌ని ఉదాహ‌ర‌ణ‌గా తీసుకుంటే ఆమె ఎలాంటి కాస్ట్యూమ్స్ లో కనిపించినా అందంగా ఉంటుంది. ఎంపిక కూడా బాగుంటుంది. అన్ని ర‌కాల కాస్ట్యూమ్స్ స‌రిగ్గా స‌రిపోతాయి. బిల్లా చిత్రంలో బికినీలో మెరిసిన‌య నయన్ ఎక్క‌డా అసభ్యంగా క‌నిపించ‌లేదు. ఏ బట్టలు ధరించాం అనేది కాదు.. ఎలా కనిపించాం అనేదే ముఖ్యం అని డిస్కో శాంతి అన్నారు.
కొంద‌రు టైట్ దుస్తులు ధ‌రించి చాలా దారుణంగా ఉంటారు. బికినీ ధరించిన వారంతా అసభ్యంగా కనిపిస్తారు అని.. ఒంటినిండా బట్టలు కప్పుకున్న వారంతా అందంగా ఉంటారని అనుకోవడం తప్పు.. అని డిస్కో శాంతి అన్నారు. ఈమె కూడా ఒక‌ప్పుడు వెరైటీ దుస్తుల‌లో అందాల ప్ర‌ద‌ర్శ‌న చేస్తూ నానా ర‌చ్చ చేసిన విష‌యం తెలిసిందే. 90వ దశకంలో డిస్కో శాంతి పలు చిత్రాల్లో స్పెషల్ నంబర్స్ లో మెరిసింది. ఇక శ్రీహ‌రిని వివాహం చేసుకున్న త‌ర్వాత వాటికి దూరంగా ఉంటూ వ‌చ్చింది.
