సెల‌బ్రిటీల ప్రేమాయ‌ణాలు, పెళ్లిళ్లు ఎప్పుడు ఇంట్రెస్టింగ్‌గానే ఉంటాయి. వారికి సంబంధించిన ఏ విష‌యం బ‌య‌ట‌కు వ‌చ్చిన ప్ర‌తి ఒక్కరు ఆస‌క్తిగా గ‌మ‌నిస్తుంటారు. గ‌త కొద్ది రోజులుగా విజయ్ దేవరకొండ, ర‌ష్మిక‌ల‌కు సంబంధించి అనేక ప్ర‌చారాలు న‌డుస్తున్నాయి. వారిద్ద‌రు ప్రేమ‌లో ఉన్నార‌ని త్వ‌ర‌లో పెళ్లి చేసుకోబోతున్నార‌ని చెప్పుకొస్తున్నారు. ఇటీవల ఇద్దరు కలిసి మాల్దీవుల‌కి కూడా వెళ్లార‌ని ప్ర‌చారం జ‌రిగింది. నేషనల్ క్రష్ ఓ ఇంటర్వ్యూలో విజయ్ దేవరకొండతో ఉన్న రిలేషన్‌షిప్ గురించి మరోసారి క్లారిటీ ఇచ్చింది.
ఇటీవల న్యూ ఇయర్ సమయంలో విజయ్ దేవరకొండ, రష్మిక.. విషెస్ చెబుతూ వారి ఫోటోలను షేర్ చేయ‌గా, ఆ ఫోటోలు మాల్దీవ్స్ లో దిగినవి కావడంతో వీరిద్దరి కలిసి అక్కడికి వెళ్లారు. అంతేకాదు వీరిద్దరూ రహస్య ప్రేమాయణం నడుపుతున్నారు అని పలు కథనాలు వచ్చాయి.దీనిపై స్పందించిన రష్మిక.. ‘నాకున్న బెస్ట్ ఫ్రెండ్స్ లో విజయ్ ఒకడు. ఆ నిజాన్ని నేను నిర్భయంగా చెబుతాను. ఆన్ స్క్రీన్ పై మా కెమిస్ట్రీ బాగా వర్క్ అవుట్ అవ్వడంతో, బయట మేము ఇద్దరు స్నేహితులుగా తిరుగుతున్నా ఆడియన్స్ మమ్మల్ని ప్రేమికుల గానే చూస్తున్నారు.
ఫ్రెండ్స్ కూడా కలిసి వెకేషన్ ట్రిప్ కి వెళ్తారు. అలా వెకేషన్ ట్రిప్ కి మాతో పాటు 10 మంది మిత్రులు కూడా వచ్చారు. కానీ వారిలో మా ఇద్దర్నే నోటీసు చేస్తున్నారు. ఎందుకంటే మేము పబ్లిక్ ఫిగర్స్ కాబట్టి. అయినా మా రిలేషన్‌షిప్ గురించి అబద్దం చెప్పాల్సిన అవసరం మాకు లేదు అంటూ రష్మిక బదులిచ్చింది. ఈ వ్యాఖ్యలతో వారిద్దరి మధ్య ఉన్నది స్నేహం మాత్రమే అని అర్ధమవుతుంది. నేషనల్ క్రష్ రష్మిక మందన్న – విజయ్ దేవరకొండ ‘గీతాగోవిందం’తో టాలీవుడ్ లో మంచి హిట్ ను అందుకున్నారు. మరోవైపు వీరిద్దరి కెమిస్ట్రీ కూడా వెండితెరపై బాగా వర్కౌట్ అయ్యింది. దీంతో వెంటనే ‘డియర్ కామ్రేడ్’తో అలరించారు. ఈ సినిమా పెద్ద ఆకట్టుకోలేకపోయింది.
