Kalyan Dhev : మెగాస్టార్ చిరంజీవి చిన్న కూతురు శ్రీజ వ‌రుస పెళ్లిళ్లు చేసుకుంటూ వార్త‌ల‌లో నిలుస్తుంది. ముందుగా శిరీష్ భ‌రద్వాజ్‌ని ప్రేమించి పెళ్లి చేసుకొని ప‌లు కార‌ణాల వ‌ల‌న అత‌నికి విడాకులు ఇచ్చింది. అనంత‌రం కళ్యాణ్ దేవ్‌ని పెళ్లి చేసుకుంది. మొద‌ట్లో వీరిద్ద‌రు ఎంతో అన్యోన్యంగా ఉండ‌గా, గత ఏడాది నుంచి వేర్వేరుగానే ఉంటున్న సంగతి తెలిసిందే. అయితే ఈ ఇద్దరూ విడిపోయారని సోషల్ మీడియాలో వార్తలు వస్తూనే ఉన్నాయి. అందరికీ ఈ విషయం అర్థమైంది కూడా. కానీ ఏనాడూ కూడా ఈ ఇద్దరూ తమ బంధం మీద ఎలాంటి క్లారిటీ కూడా ఇవ్వ‌లేదు.
కానీ విశ్వసనీయ వర్గాల సమాచారం మేరకు.. ఈ ఇద్దరూ విడాకులు తీసుకున్నారని తెలుస్తోంది. ఇక మధ్య మధ్యలో కళ్యాణ్ దేవ్ తన కూతురు నవిష్కతో కలిసి కనిపిస్తాడు. నవిష్క ఎప్పటికీ శ్రీజ వద్దే ఉంటుందేమో అని అనుకున్న సమయంలోనే కళ్యాణ్ దేవ్‌తో ఆడుతూ కనిపించేది. అలా ఈ పాప విషయంలో మాత్రం ఈ ఇద్దరూ ఓ అండర్‌స్టాండింగ్‌తో ఉన్నారని అంతా అనుకుంటూ వ‌చ్చారు. తాజాగా కళ్యాణ్ దేవ్ చేసిన పోస్ట్ చూస్తే అది కూడా తప్పే అని అర్థమవుతోంది. తాజాగా కళ్యాణ్ దేవ్ తన కూతురిని తలుచుకుంటూ ఎమోషనల్ అయినట్టు కనిపిస్తోంది.
తన కూతురికి పుట్టిన రోజు శుభాకాంక్షలు చెబుతూ గుండెలు పిండేలా చేశాడు కళ్యాణ్ దేవ్. నా గుండె, నా ఆత్మ, నా జీవితంలో దొరికిన, జరిగిన గొప్ప విషయం ఏదైనా ఉంటే అది నా కూతురే. నా నవ్వుకి కారణం తనే.. ఆమె నా కూతురు.. ఆమె నా ప్రపంచం..నా పాప పుట్టిన రోజు.. హ్యాపీ బర్త్ డే.. నీకు క్రిస్మస్ శుభాకాంక్షలు.. లవ్యూ.. నిన్ను ఎంతగానో ప్రేమిస్తున్నాను..నిన్ను చూడక చాలా రోజులు అవుతోంది.. అంటూ ఎమోషనల్ అవుతూ పోస్ట్ పెట్టాడు కళ్యాణ్ దేవ్. ఈ పోస్ట్ చూసి నెటిజ‌న్స్ శ్రీజ‌పై ఆగ్ర‌హం వ్య‌క్తం చేస్తున్నారు. ఆమె వ‌ల్ల‌నే తండ్రి కూతుళ్లు విడిపోయారని కామెంట్స్ చేస్తున్నారు.
