Hop Shoots : కూరగాయల కోసం రూ. 85000 ఖర్చు చేయడం హాస్యాస్పదంగా ఉందని మీరు అనుకోవచ్చు, కానీ ఒక కిలో హాప్ షూట్స్ మిమ్మల్ని కుబేరులను చేస్తాయి. ప్రపంచంలో అత్యంత ఖరీదైన కూరగాయగా విస్తృతంగా సూచించబడే హాప్ రెమ్మలు హాప్ మొక్క యొక్క ఆకుపచ్చ కొనలు. హాప్ మొక్క సాధారణంగా.. బీర్ తో సంబంధం కలిగి ఉంటుంది – దీని పువ్వులు ఆల్కహాల్ ఉత్పత్తిలో మరియు టీబీ సంబంధిత వ్యాధులకు వాడే మెడిసిన్ లో ఉపయోగిస్తారు. అయితే..పువ్వులు కోయబడిన తరువాత హాప్స్ రెమ్మలు విస్తరించవు. దీంతో ఈ ఆకుపచ్చ టెండ్రిల్స్ ప్రపంచంలో ప్రత్యేకమైన స్థానాన్ని కలిగి ఉన్నాయి.
ఒక కిలో హాప్ షూట్‌లు 1,000 GBP లేదా అంతర్జాతీయ మార్కెట్‌లో రూ. 85,000 నుండి రూ. 1 లక్ష వరకు ధర పలుకుతాయి. ది గార్డియన్ ప్రకారం, వాటి మొక్కల చిగుళ్ళు ఖరీదైనవి, ఎందుకంటే వాటిని పెంచడం మరియు కోయడం అనేది కష్టమైన పని. ఈ మొక్కలు ఒకేవిధంగా వరుసలో పెరగవు, అంతేకాక, ఈ కొమ్మలు చిన్నవిగా ఉండి. కలుపు మొక్కలు లేదా రంటీ మూలికలను పోలి ఉంటాయని చెబుతారు. భారతదేశంలో హాప్ సాగు హ్యూములస్ లుపులస్ అని పిలువబడే హాప్ – సమశీతోష్ణ ఉత్తర అమెరికా, యురేషియా మరియు దక్షిణ అమెరికాకు చెందినది.
ఉష్ణమండల వాతావరణాలలో హాప్స్ బాగా పెరుగుతాయి, కానీ భారతదేశంలో సాగు లాభదాయకమైన వ్యాపారం కాదు. మైక్రోబ్రూవరీ నిపుణుడు రోహిత్ జాఫా వెబ్సైట్ ప్రకారం ఇదివరకు హిమాచల్ ప్రదేశ్‌లోని లాహౌల్‌లో దీన్ని పండించారు. దీనిపై అవగాహన లేకపోవడం, మార్కెటింగ్ చేసేవారు లేకపోవడంతో పండించడం ఆపేశారు అని వెబ్సైట్ పేర్కొంది. అలాగే గత సంవత్సరం, బీహార్ లోని ఔరంగాబాద్ జిల్లాలో ఒక రైతు హాప్స్ పెంచుతున్నట్లు ఈ వెబ్సైట్ తెలిపింది. అయితే హిందీ వార్తాపత్రిక దైనిక్ జాగరణ్ నుండి ఒక బృందం ఆ రైతును సందర్శించినప్పుడు అతని పొలంలో ఎటువంటి హాప్స్ పండించడం లేదని, ఈ నివేదికలు తప్పని ఫేక్ న్యూస్ గా కొట్టిపారేశారు.
