Sridevi : శ్రీదేవి సినీ వినీలాకాశంలో ఓ ధృవతార. నటనతో భారతీయ సినీ ప్రపంచంలోనే తొలి మహిళా సూపర్‌స్టార్‌గా ఎదిగిన అరుదైన నటీమణి. పాతికేళ్ల క్రితమే తెలుగు చిత్రసీమను విడిచి బాలీవుడ్‌లో స్థిరపడినా, తెలుగు ప్రేక్షకుడు ఆమెను మరిచిపోయింది లేదు. అతిలోక సుందరి అన్నా, వెన్నెల బొమ్మ అన్నా.. తరాలు మారినా తరగని అందం అన్నా.. అది ఆమెకే చెల్లుతుంది. అందుకే శ్రీదేవి పేరు వినగానే అభిమానుల గుండెల్లో గులాబీలు పూస్తాయి. ఆమె కళ్లతో చిలిపిగా ఓ నవ్వు నవ్వితే ప్రేక్షకులు మైమరచిపోతారు. మూడుతరాల హీరోల సరసన హీరోయిన్ గా అలరించిన అందం శ్రీదేవి.
సౌత్ లో ఎంతో పాపులర్ అయిన తర్వాత శ్రీదేవి బాలీవుడ్ ఎంట్రీ ఇచ్చారు. అక్కడ కూడా వ‌రుస హిట్లు పడటంతో శ్రీదేవి బాలీవుడ్ లో స్టార్ హీరోయిన్ గా మారారు. ఇక బాలీవుడ్ లో కెరీర్ ప్రారంభంలో శ్రీదేవి హీరో మిథున్ చక్రవర్తితోనే ఎక్కువ సినిమాలు చేసింది. ఆ సమయంలో వీరిద్దరూ ప్రేమలో పడ్డారు. కానీ అప్పటికే మిథున్ చక్రవర్తికి పెళ్లి అయ్యి పిల్లలు కూడా ఉన్నారు. శ్రీదేవి మిథున్ చక్రవర్తి విషయం తెలిసి ఆయన భార్య ఆత్మహత్యాయత్నం చేసింది. దీంతో మిథున్ శ్రీదేవిని దూరం పెట్టేశాడు. ఆ తర్వాత బోనీకపూర్ శ్రీదేవి హీరోయిన్ గా అనేక చిత్రాలు నిర్మించాడు.
ఆ సమయంలో శ్రీదేవిని బోనీ కపూర్ ఓదార్చేవాడు. అలా శ్రీదేవి బోనికపూర్ మధ్య స్నేహం చిగురించింది. కానీ అలాంటి సమయంలోనే అనుమానం వచ్చిన మిథున్ చక్రవర్తి.. శ్రీదేవి లైఫ్ లోకి మళ్లీ రీఎంట్రీ ఇచ్చాడు. అంతేకాకుండా బోనీ కపూర్ కు రాఖీ కట్టాలని శ్రీదేవికి ఆర్డర్ వేసాడు. తమ ఇద్దరి మధ్య ఎలాంటి బంధం లేదని చెప్పినా విన‌కుండా మిథున్ చక్రవర్తి శ్రీదేవితో బోణీకపూర్ కు రాఖీ కట్టించాడు. ఆ తర్వాత మిథున్ చక్రవర్తి చేసిన మోసాన్ని గుర్తించిన శ్రీదేవి అతడికి పూర్తిగా దూరం అయింది. కొంతకాలం ప్రేమలో మునిగితేలిన శ్రీదేవి బోణీకపూర్ ఆ తర్వాత పెళ్లి చేసుకున్నారు.
