Shriya Saran : అందాల ముద్దుగుమ్మ శ్రియ తెలుగు ప్రేక్ష‌కులకి చాలా సుప‌రిచితం. ఈ అమ్మ‌డు టాలీవుడ్ స్టార్స్ అందరి సరసన నటించి మంచి పేరు తెచ్చుకుంది. ఇప్ప‌టికీ ఈ భామ వైవిధ్య‌మైన సినిమాలు చేస్తూ అల‌రిస్తూనే ఉంది. ఒక‌వైపు తన కెరీర్ కొన‌సాగిస్తూనే మ‌రోవైపు తన వైవాహిక జీవితాన్ని కూడా సంతోషంగా గ‌డుపుతుంది. ఆమె భర్త ఆండ్రీ కొశ్చీవ్‌ల మధ్య కెమెస్ట్రీ ఎలా ఉంటుందో ఇప్పటికే మ‌నం చాలాసార్లు చూశాం. పబ్లిక్‌గా తమ మధ్య ఉన్న అఫెక్షన్‌ను ప్ర‌ద‌ర్శించ‌డం వీళ్లకు అలవాటే. గతంలో ఇలాంటి ఎన్నో ఫొటోలు, వీడియోలు వైరల్ అయ్యాయి. తాజాగా మరోసారి ఈ జంట స్టేజ్‌పైనే లిప్ లాక్‌తో ఫ్యాన్స్‌ను ఆకర్షించింది.
ఆ మధ్య శ్రియ తన భర్తతో కలిసి బుల్లి తెరపై జీ తెలుగు కుటుంబం అవార్డ్స్ కార్యక్రమానికి వచ్చారు.ఇలా మొట్టమొదటిసారిగా శ్రీయ దంపతులు రావడంతో వీరికి గ్రాండ్ వెల్ కమ్ చెప్పారు. ఆ స‌మ‌యంలో యాంకర్ ప్ర‌దీప్.. మీరు సోషల్ మీడియాలో ఎలాంటి పోస్టులు పెడతారు అని ప్ర‌శ్నిచాడు. అందుకు శ్రియ భర్త ఆండ్రూ శ్రీయ బుగ్గపై ముద్దు పెట్టగా శ్రియ మాత్రం అందరూ చూస్తుండగానే వేదికపై తన భర్తకు లిప్ లాక్ చేయడంతో అందరూ ఒక్కసారిగా షాక్ అయ్యారు.ఇక తాజాగా హిందీలో వచ్చిన దృశ్యం 2 స్పెషల్‌ స్క్రీనింగ్‌ సందర్భంగా వీళ్లు కెమెరాల ముందే లిప్ కిస్‌ ఇచ్చుకున్నారు.
స్పెషల్‌ షోకు రెడ్ శారీలో వచ్చిన శ్రియతో తన భర్త ఆండ్రీ కూడా ఉన్నాడు. వీరిద్దరూ కలిసి ఫొటోలకు పోజులివ్వాల్సిందిగా కోరినప్పుడు ఈ జంట లిప్ కిస్‌ ఇచ్చుకోవడం విశేషం. ఇప్పుడీ ఫొటోలు, వీడియోలు వైరల్ అవుతున్నాయి. హిందీలో దృశ్యం 2 మూవీ శుక్రవారం (నవంబర్‌ 18) రిలీజైంది. ఈ మూవీలో అజయ్‌ దేవ్‌గన్‌, శ్రియ, టబు నటించారు. మలయాళం, తెలుగులో సూపర్‌ హిట్‌ అయిన దృశ్యం, దృశ్యం 2 మూవీలను హిందీలోనూ రీమేక్‌ చేశారు. కాగా, శ్రియ చివరిగా ఆర్ఆర్ఆర్ చిత్రంలో మెరిసిన విష‌యం తెలిసిందే.
