చక్కనమ్మ చిక్కినా అందమే. కానీ చూడ చక్కనమ్మ ఇప్పుడు చిక్కిందో లేదో కానీ ఫేస్‌ మాత్రం మారిపోయింది. దీనికితోడు సమంత అనారోగ్యంతో బాధపడుతుందని అమెరికాలో చికిత్స తీసుకుంటుందని, గత కొంతకాలంగా వార్తలు వినిపిస్తున్నాయి. దీంతో అభిమానుల్లో ఆందోళన పెరిగిపోయిన నేపథ్యంలో సామ్‌ స్పందించింది. తాను మయోసైటిస్‌ అనే అరుదైన వ్యాధితో బాధపడుతున్నట్లు తెలిపింది. యశోదతో త్వరలో ప్రేక్షకుల ముందుకు వస్తున్న సందర్భంగా డబ్బింగ్‌ చెబుతున్న ఫొటోను షేర్‌ చేస్తూ సుదీర్ఘ పోస్ట్‌ చేసింది. సామ్‌ లేటెస్ట్‌ పోస్ట్‌తో అభిమానుల్లో టెన్షన్‌ పెరిగిపోయింది.
అందరూ ఆమె త్వరగా కోలుకోవాలని విష్ చేస్తున్నారు. ఇక ఆమె మాజీ భ‌ర్త నాగ‌చైత‌న్య కూడా స్వ‌యంగా హాస్ప‌ట‌ల్‌కు వెళ్లి సమంత త్వరగా కోలుకోవాలని ధైర్యం చెప్పిన‌ట్టు తెలుస్తోంది. ఏదేమైనా సమంత ఆరోగ్య ప‌రిస్థితి కాస్త క్రిటిక‌ల్‌గా ఉంద‌నేందుకు ఖుషి సినిమా వాయిదాయే కార‌ణం అని కూడా చెపుతున్నారు. వాస్తవానికి ఖుషి సినిమాని డిసెంబర్ 23వ తేదీన విడుదల చేసేందుకు నిర్మాతలు అన్నీ సిద్ధం చేసుకున్నారు. ఈ మేరకు అధికారికంగా ప్రకటన కూడా జారీ చేశారు.
కానీ ఇప్పుడు సమంత అనారోగ్యం బారిన పడటంతో సినిమా ఫిబ్రవరిలో రిలీజ్ అయ్యే అవకాశాలు ఉన్నాయని విజయ్ దేవరకొండ చెబుతున్నాడు. కానీ దాన్ని సమ్మర్ సీజన్ కి వాయిదా వేసేందుకు నిర్మాతలు నిర్ణయం తీసుకున్నారని తెలుస్తోంది. స‌మంత‌కు మ‌రి కొద్ది రోజులు విశ్రాంతి అవ‌స‌రం అని.. ఆమె కోలుకుంటే డిసెంబర్ నుంచి ఖుషి సినిమా షూటింగ్ స్టార్ట్ అవుతుంది. ఈ సినిమా షూటింగ్ లేట్ అయ్యే ఛాన్సులు ఉండ‌డంతో విజయ్ దేవరకొండ కూడా మ‌రో సినిమాను ప‌ట్టాలెక్కించే ప్లానింగ్‌లో ఉన్నాడు. అందుకే గీతా, దిల్ రాజు, సితార సంస్థ‌లతో సంప్ర‌దింపులు జ‌రుపుతున్నాడ‌ట.
