ప్రతి ఆదివారం బుల్లితెర ప్రేక్షకులకు వినోదాన్ని అందిస్తున్న షో శ్రీదేవి డ్రామా కంపెనీ. ఈవారం కూడా సరికొత్తగా ప్రేక్షకులకు వినోదాన్ని పంచడానికి ముస్తాబయింది. ఇటీవల విడుదలైన ప్రోమోలో ఈ వారం అదుర్స్‌ సినిమాని పేరడి చేసిన హైపర్ ఆది జాతకాలు చెప్తూ అందరినీ కడుపుబ్బా నవ్వించాడు. ఇమాన్యుయల్ వర్ష కోసం స్యాడ్ లవ్ సాంగ్ పడి అందర్నీ ఆశ్చర్యపరిచాడు.
ఇమ్మాన్యుల్, వర్ష బ్రేకప్ చెప్పుకుని విడిపోయినట్లు ఈ షోలో చూపించడం జరిగింది. దాంతో ఇద్దరి మధ్య ఏం జరిగింది అని ఇంద్రజ అడుగుతున్నట్లు ప్రొమోలో చూపించారు. ఇక ఈ వారం షోకి డాన్స్ మాస్టర్ అమ్మ రాజశేఖర్ తన భార్యతో కలిసి వచ్చాడు. షోలో మిగతా కామెడీ కంటెస్టెంట్స్ కూడా తమ కామెడీ పంచులతో ఆదిని ఆటపట్టించారు. అలానే టిక్‌టాక్ దుర్గారావు భార్య కూడా ఈ షోకి వచ్చినట్లు ప్రొమోలో చూపించారు.
సుడిగాలి సుధీర్ ఈ షో నుంచి తప్పుకున్న తర్వాత హైపర్ ఆది కామెడీ స్కిట్‌లకే పరిమితం కాకుండా డ్యాన్స్ కూడా వేస్తూ సుధీర్ లేని లోటుని భర్తీ చేయడానికి ప్రయత్నం చేస్తున్నాడు. కాసేపు నవ్వించడమే కాకుండా ఆ తర్వాత వల్లభ సినిమాలోని హాట్ సాంగ్‌కి డ్యాన్సర్లతో కలిసి స్టెప్‌లు వేస్తూ ఓ రేంజ్ లో పర్ఫామెన్స్ ఇరగదీసేసాడు. దానితో హైపర్ ఆది పొలంలో మొలకలు కాదు.. ఏకంగా చెట్లే మొలిశాయ్ అంటూ ఓ రేంజ్ లో ఆదిని కామెంట్ చేశారు. ఈ మాట అన్నది మరెవరో కాదు. శ్రీదేవి డ్రామా కంపెనీ షోలో జడ్జిగా వ్యవహరించే ఇంద్రజ. అంతలా హైపర్ ఆది షోలో పర్ఫామెన్స్ చేయడానికి వచ్చినా ముద్దుగుమ్మలతో డ్యాన్స్‌లో రెచ్చిపోయాడు. దాంతో ఇంద్రజ అలా సెటైరికల్‌గా హైపర్ ఆదిని ఆటపట్టించింది.
