ప్ర‌తి వారం థియేట‌ర్‌లోనే కాకుండా ఓటీటీలోను పలు సినిమాలు సంద‌డి చేస్తుండ‌డం మ‌నం చూస్తూ ఉన్నాం. ప్ర‌స్తుతం బాక్సాఫీస్ వద్ద కన్నడ చిత్రం కాంతార ప్రభంజనం కొనసాగుతుంది. కేరళ ఆదివాసీల భూతకోల సంస్కృతి నేపథ్యంలో వచ్చిన ఈ మూవీకి ప్రేక్షకుల నుంచి విశేష స్పందన లభిస్తోంది. ఓటీటీలోను పలు సినిమాలు ప‌ల‌క‌రించాయి. అయితే నవంబర్ మొదటి వారం కూడా పలు చిత్రాలు ప్రేక్షకులను అలరించేందుకు సిద్ధమవుతున్నాయి. అటు థియేటర్లలోనే కాకుండా.. ఇటు ఓటీటీలలోనూ సినీ ప్రియులకు అన్ లిమిటెడ్ ఎంటర్టైన్మెంట్ అందించేందుకు మేకర్స్ రెడీ అయ్యారు.
నాగార్జున నటించిన ది ఘోస్ట్ చిత్రం నవంబర్ 4న ఓటీటీలో సంద‌డి చేయ‌బోతుంది. ప్రవీణ్ సత్తారు దర్శకత్వం వహించిన ఈ సినిమాలో నాగ్ స్పెషల్ ఏజెంట్ గా నటించాడు. ఇక రణబీర్ కపూర్, అలియా భట్, నాగార్జున ప్రధాన పాత్ర‌ల‌లో తెర‌కెక్కిన బ్ర‌హ్మాస్త్రా చిత్రం నవంబర్ 4న డిస్నీ ప్ల‌స్ హాట్ స్టార్ ఓటీటీలో విడుద‌ల కానుంది. నెట్‌ఫ్లిక్స్ సూపర్ హిట్ ఒరిజినల్ షో ఎనోలా హోమ్స్ రెండవ సీజన్‌ నవంబర్ 4వ తేదీ నుండి నెట్‌ఫ్లిక్స్‌లో స్ట్రీమింగ్ కోసం అందుబాటులో ఉంటుంది. ఇందులో మిల్లీ బాబీ బ్రౌన్, హెన్రీ కావిల్ మరియు లూయిస్ పార్ట్రిడ్జ్ ప్రధాన పాత్రలు పోషించారు.
ఇక అమెజాన్ ప్రైమ్ వీడియో ఒరిజినల్ పాప్ సెన్సేషన్ మై పోలీస్ మ్యాన్ ..నవంబర్ 4 నుండి అమెజాన్ ప్రైమ్‌లో ప్రసారం కానుంది. హ్యారీ స్టైల్స్ ఒక ముఖ్యమైన పాత్రలో క‌నిపించ‌నుండ‌గా, ఎమ్మా కొరిన్, డేవిడ్ డాసన్, గినా మెక్కీ కూడా న‌టించారు. ఇక అదితి రవి, ఉన్ని ముకుందన్, నీతా ప్రోమి తదితరులు నటించిన తమిళ చిత్రం కైయుమ్ కలవుం నవంబర్ 4 నుండి సోనీ లివ్‌లో ప్రసారం కానుంది. . వర్షా వాసుదేవ్ ఈ చిత్రానికి దర్శకత్వం వహించారు.
