Samantha : టాలీవుడ్ స్టార్ హీరోయిన్ సమంత విడాకుల తర్వాత చాలా దూకుడుగా వ్య‌వ‌హ‌రిస్తుంది. ఒక‌వైపు సినిమాలు చేస్తూనే మ‌రోవైపు విహార యాత్ర‌లు ఇంకోవైపు సోషల్ మీడియాలో ర‌చ్చ చేస్తూ నానాహంగామా చేస్తుంది. అయితే ఏమైందో ఏమో కాని సమంత గత కొన్ని రోజులుగా సోషల్ మీడియాకు దూరంగా ఉంటోంది. తన పని తాను అన్నట్టుగా సైలెంట్‌గా చేసుకుంటూ ఉంటోంది. ట్రోలర్లకు కౌంటర్లు లేవు.. ఆమెపై వ‌చ్చే రూమ‌ర్స్‌కి క్లారిటీలు లేవు. గత నెలలో సమంతకు చర్మ వ్యాధి సోకిందంటూ వార్తలు చక్కర్లు కొట్టాయి. దీనిపై సమంత మేనేజర్ అవి త‌ప్పుడు వార్త‌లంటూ ఖండించారు.
ఇక సమంత సర్జరీ కోసం యూఎస్ వెళ్లింద‌ని ప్ర‌చారం కూడా జ‌రిగింది. అయితే తాజాగా ఈ ఫోటోలు చూసి ఇది నిజ‌మేన‌ని అంటున్నారు నెటిజ‌న్స్. సమంత తాజాగా చేసిన యాడ్, అందులోని ఫోటోలను గమనిస్తే సమంత మొహంలో చాలా మార్పులు కనిపిస్తున్నాయి. దీంతో సోషల్ మీడియా మొత్తం కూడా సమంత సర్జరీ గురించి మాట్లాడుకుంటోంది. సమంత మొహానికి సర్జరీ జరిగిందనే రూమర్లు హ‌ల్‌చ‌ల్ చేస్తున్నాయి. అయితే ఇందులో నిజమెంత ఉందనేది సమంతకు మాత్రమే తెలియాలి.దీనిపై ఆమె త‌ర‌పు వారు ఎవ‌రైన స్పందిస్తారా అన్న‌ది చూడాలి.
ఏ మాయ చేసావే’తోనే తెలుగు ప్రేక్షకులను మాయలో పడేసిన మాయలేడి సమంత. అక్కడితో ఆగకుండా అందులో నటించిన హీరో, అక్కినేని వారసుడు నాగ చైతన్యను ఏకంగా పెళ్లి కూడా చేసేసుకుంది. అయితే ఏమయిందో తెలియదు కానీ వారు నాలుగేళ్లు కాక‌ముందే వారి వ్యక్తిగత జీవితానికి ఫుల్ స్టాప్ పెట్టేసారు. విడాకుల అనంతరం కూడా అమ్మడు జోరు తగ్గడం లేదు. ఓ రకంగా చెప్పాలంటే ఇప్పుడే సమంత సినిమా లైఫ్ జెట్ స్పీడుతో దూసుకుపోతోంది. ది ఫ్యామిలీ మ్యాన్ సిరీస్ హిట్ కావ‌డంతో ఒక్కసారిగా అమ్మడు హిందీలో కూడా మంచి పాపులర్ అయింది. ఈ సిరీస్ తర్వాత వరుసగా పాన్ ఇండియా స్థాయి సినిమా అవకాశాలను అందుకుంటూ దూసుకుపోతుంది.
