Actor Jeeva : సీనియర్ నటుడు జీవా గురించి పెద్దగా పరిచయం అక్కర లేదు.విలక్షణ నటుడిగా తెలుగు సినిమా పరిశ్రమలో తనకంటూ ఓ ప్రత్యేక గుర్తింపు తెచ్చుకున్నాడు.. రక్తాలు కక్కేలా ఉండే తన కళ్లతో జనాలను విపరీతంగా భయపెడతాడు జీవా.ఆయనకున్న ఆ కళ్ల మూలంగానూ కెరీర్ తొలినాళ్లలో విలన్ గా అవకాశాలు అందిపుచ్చుకున్నాడు. నెమ్మదిగా తన చక్కటి నటనతో జనాలను విపరీతంగా అలరించాడు జీవా.విలన్ పాత్రలతో పాటు రకరకాల క్యారెక్టర్లు పోషించి మంచి పేరు సంపాదించుకున్న అత‌ను ఇండస్ట్రీలో చక్కటి నటుడిగా ముందుకు సాగుతున్నాడు. విల‌న్‌గా, కమెడీయ‌న్‌గా స‌త్తా చాటుతున్నాడు.
జీవా ప్రేమ వివాహం చేసుకున్న విష‌యం విదిత‌మే..తన ఫేస్, కళ్లు చూసి ఎవరు ప్రేమిస్తారు? అనే డౌట్ రావొచ్చు.కానీ ముమ్మాటికీ తనది ప్రేమ వివాహం. అయితే జీవా తాజాగా ఓ ఇంట‌ర్వ్యూలో ఆస‌క్తిక‌ర వ్యాఖ్య‌లు చేశాడు. త‌ను క్రిస్టియన్ అని భాను చందర్‌తో చెప్పాన‌ని, అప్పుడు త‌ను విసిగించుకున్నాడని తెలియ‌జేశాడు. అయితే మా గుంటూరులో క్యాస్ట్ ఫీలింగ్ ఇండస్ట్రీలో ఉంటుంది కదా అని అనేవాళ్ల‌ని జీవా చెప్పుకొచ్చాడు. త‌న‌కి ఇప్ప‌టికీ అనేక అవకాశాలు వ‌స్తున్నాయ‌ని, కొంద‌రు న‌న్ను యాక్సెప్ట్ చేస్తే మ‌రి కొంద‌రు మాత్రం ఎందుకో ఎంపిక చేయ‌లేదు అని అన్నారు.
ఇక జీవా ప్రేమాయ‌ణం చాలా ఇంట్రెస్టింగ్‌గా సాగింది..మద్రాసులో సినిమా అవకాశాల కోసం స్టూడియోల చుట్టూ తిరిగేవాడు జీవా.అప్పుడు చేతిలో చిల్లిగవ్వ ఉండేది కాదు. డబ్బులు లేనప్పుడల్లా తనే జీవాకు డబ్బులు ఇచ్చేది.జీవా సొంతూరు గుంటూరు. ఆయన ఇంటి దగ్గరే హనుమాయమ్మ స్కూలు ఉండేది.ఆమె ఆ స్కూలు విద్యార్థి. స్కూలు టైం అయిపోయే సమయానికి అక్కడికి చేరుకుని జీవా తనను చూస్తూ ఉండేవాడు. ఏదో కొనుక్కోవడానికి అక్కడికి వెళ్లేవాడు జీవా.అక్కడి నుంచి తనను చూసే వాడు. అలా ఇద్దరి మధ్య కొంత కాలం ఈ చూపుల రాయభారం నడిచింది.కొద్ది రోజుల తర్వాత తన ప్రేమను ఆ అమ్మాయికి చెప్పాడు. ఆమె కూడా ఓకే చెప్పింది. ఆ తర్వాత కొన్నాళ్ల‌కి పెళ్లి చేసుకున్నాడు.
