Kamal Haasan Remuneration : లోక‌నాయుడు కమల్ హాసన్ ప్ర‌ధాన పాత్రలో స్టార్ డైరెక్ట‌ర్ శంకర్ తెర‌కెక్కించిన చిత్రం భారతీయుడు2. ఇటీవ‌ల విడుద‌లైన ఈ చిత్రం పెద్ద విజ‌యం సాధించింది. శంకర్ మూడో చిత్రంగా తెరకెక్కిన మూవీ భారతీయుడు. తండ్రి, కొడుకులుగా కమల్ హాసన్ ఈ సినిమాలో ద్విపాత్రాభినయం చేశారు. ఇందులో కమల్ హాసన్ స్వాతంత్ర పోరాట యోధుడిగా, అవినీతిపరులను అంతం చేసే సేనాపతిగా నటించి ప్రేక్షకులకు మర్చిపోలేని ట్రీట్ ఇచ్చారు. కమల్ హాసన్ నటన కౌశలానికి పట్టం కట్టేలా ఎన్నో సినిమాలు ఇప్పటి దాకా రిలీజ్ అయినప్పటికీ, ఆయనతో పాటు ఆయన అభిమానులు కూడా మర్చిపోలేని సినిమాల్లో భారతీయుడు ఒకటిగా నిలిచింది.
తొలి పార్ట్ కి ఏఆర్ రెహమాన్ సంగీతం ప్లస్ పాయింట్ అని చెప్పొచ్చు. 1990వ దశకంలో ఇండియాలో ఇప్పుడు ఉన్నంత టెక్నాలజీ డెవలప్మెంట్ కాలేదని చెప్పాలి. అయినప్పటికీ భారతీయుడు సినిమా గ్రాఫిక్స్ సీన్స్ ని అద్భుతంగా మెయింటైన్ చేశారు. భారతీయుడు సినిమాకు లభించిన విశేష ఆదరణ, సక్సెస్ సెకండ్ పార్ట్ చేయడానికి ఇన్స్పిరేషన్ గా నిలిచింది. చాలాకాలం నుంచి భారతీయుడు 2 మూవీ కోసం కమల్ ఫ్యాన్స్ ఈగర్ గా వెయిట్ చేస్తున్నారు. భారతీయుడు సినిమా గ్రాఫిక్స్ సీన్స్ ని రియల్ ఎస్టేట్ గా చూపించిన ఘనత శంకర్ కే దక్కింది. అయితే సెకండ్ పార్ట్ కోసం కోట్లు ఖర్చు చేసి ప్రతి సీన్ ని మరింత విజువల్ వండర్ గా తెరకెక్కించారు. ఇక భారతీయుడు2 కోసం కమల్ హాసన్ తీసుకున్న రెమ్యున‌రేష‌న్ చ‌ర్చ‌నీయాంశంగా మారింది.
సీక్వెల్ కోసం కమల్ తీసుకున్న పారితోషికం న్యూస్ ప్రస్తుతం హాట్ టాపిక్ గా నిలుస్తోంది. భారతీయుడు 2, 3 కి కలిపి కమల్ రూ. 200 కోట్లు అడిగారట. కానీ మేకర్స్ ఒక్కో పార్ట్ కు రూ. 75 కోట్లు ఇస్తామని నిర్మాతలు అంగీకరించారట. అంటే రెండు భాగాలకు కలిపి రూ. 150 కోట్లు అన్నమాట. దాంతో ఈ ఏజ్ లో కూడా ఈ రేంజ్ పారితోషికం ఏంటి సామీ అంటూ ట్రేడ్ వర్గాలు ఆశ్చర్యపోతున్నాయి.ఇదిలా ఉండగా.. భారతీయుడు 2, 3 పార్ట్ లకు కలిపి రూ. 500 కోట్ల వరకు బడ్జెట్ పెడుతున్నట్లు తెలుస్తోంది. ఇందులోనే శంకర్ పారితోషికం కూడా కలిపి ఉన్నట్లు సమాచారం. అయితే కల్కి మూవీకి కమల్ రూ. 20 కోట్లు, విక్రమ్ సినిమాకు రూ. 50 కోట్లు తీసుకోగా.. భారతీయుడు 2 మాత్రం ఏకంగా రూ. 75 కోట్లు తీసుకుని షాక్ కు గురిచేశాడు. దాదాపు 28 ఏళ్ల తర్వాత సీక్వెల్ వస్తుండటంతో.. ప్రేక్షకులు ఓ రేంజ్ ఎక్స్ పెక్టేషన్స్ తో థియేటర్లకు వెళ్లారు. కానీ అసంపూర్తిగా రెండో భాగం ముగించి.. మూడో భాగంలో ఇంకా ఉందని చూపించడంతో.. ప్రేక్షకులు నిరాశకు గురైయ్యారు.
