Nandamuri Mokshagna : గ‌త కొన్నాళ్లుగా నందమూరి బాలయ్య త‌న‌యుడు ఎంట్రీకి సంబంధించి అనేక వార్త‌లు వస్తున్నా కూడా దానిపై క్లారిటీ రావ‌డం లేదు. మోక్షజ్ఞకి ఇప్పటికే 29 ఏళ్లు వచ్చేశాయి. దీంతో వీలైనంత త్వరగా వారసుడ్ని లాంఛ్ చేయాలని బాలయ్య ఫ్యాన్స్ అంటున్నారు. తాజాగా బాలయ్య ఆ ప్రయత్నాలు మొదలుపెట్టారట. తన కుమారుడిని ఈ ఏడాది టాలీవుడ్‌లోకి హీరోగా వదులుతున్నట్లు బాలయ్య పలు సందర్భాల్లో ప్రకటించారు. అప్పటి నుంచి ఏ డైరెక్టర్‌తో మోక్షజ్ఞని లాంఛ్ చేస్తారా అని అభిమానులు కూడా ఎదురుచూస్తున్నారు. తాజాగా దీనిపై ఓ ఇంట్రెస్టింగ్ అప్‌డేట్ వ‌చ్చింది.
నందమూరి వంశం నుంచి వస్తున్న మూడో తరం హీరో మోక్షజ్ఞ. తన సినిమా ఎంట్రీ గురించి మోక్షజ్ఞ ‘ఎక్స్‌’లో పంచుకున్నాడు. మొదట ‘వస్తున్నా.. మీ అందరి ఆశీస్సులు కావాలి’ ఒక పోస్టు చేశాడు. అనంతరం మరో రెండు ట్వీట్లు చేశాడు. ‘ఊహించనిది ఊహించండి.. ప్రశాంత్‌ వర్మతో’ అని ఒక ట్వీట్‌ చేశాడు. మరో ట్వీట్‌లో ‘ఈ సంవత్సరం బాలకృష్ణ ఎన్‌బీకే 109, ఎన్టీఆర్ దేవర, మోక్షు అరంగేట్రం. నందమూరి నామ సంవత్సరం’ అంటూ అభివర్ణించాడు. హనుమాన్‌ సినిమాతో సంచలన విజయం సాధించిన ప్రశాంత్‌ వర్మ దర్శకత్వంలో మోక్షజ్ఞ అరంగేట్రం చేయనున్నాడు. ఈ విషయాన్ని స్వయంగా మోక్షజ్ఞ సోషల్‌ మీడియా వేదికగా ప్రకటించ‌డంతో ఫ్యాన్స్ ఆనందానికి అవ‌ధులు లేవు.
ఆల్రెడీ మోక్షజ్ఞ ఎంట్రీపై భారీ అంచనాలు ఉన్నాయి. మరి దీనికి తోడు బాలయ్య లాంటి మాస్ ఫోర్స్ తోడైతే అది ఇంకా గ్రాండ్ గా ఉంటుంది అని చెప్పాలి. మరి ఈ క్రేజీ కలయికలో సినిమా పై అధికారిక అనౌన్సమెంట్ కోసం అభిమానులు అత్యంత ఆసక్తిగా ఎదురు చూస్తున్నారు. మోక్షజ్ఞ డెబ్యూ సినిమాలో బాలయ్య క‌నిపిస్తే ర‌చ్చ మ‌రోలా ఉంటుంది. దీనిపై ప్ర‌క‌ట‌న రావ‌ల‌సి ఉంది. మరోపక్క బాలయ్య ఇప్పుడు తన కెరీర్ 109వ సినిమా దర్శకుడు బాబీ కొల్లితో చేస్తున్న సంగతి తెలిసిందే. ఈ సినిమాలో ఊర్వశి రౌటేలా, ప్రగ్యా జైస్వాల్ లు నటిస్తుండగా థమన్ సంగీతం అందిస్తున్నాడు. అలాగే సితార ఎంటర్టైన్మెంట్స్, ఫార్చూన్ ఫోర్ సినిమాస్ బ్యానర్‌పై ఈ చిత్రం రూపొందుతుంది.
