Manchu Vishnu : మంచు ఫ్యామిలీపై ఇటీవ‌ల ట్రోలింగ్ ఎక్కువ‌గా న‌డుస్తుంది. విష్ణు, మోహన్ బాబు, మంచు ల‌క్ష్మీ ఇలా ప్ర‌తి ఒక్క‌రిపై ఛాన్స్ దొరికిన‌ప్పుడ‌ల్లా ట్రోలింగ్ నడుస్తూనే ఉంటుంది. ఇటీవ‌ల మూవీ ఆర్టిస్ట్ అసోసియేషన్ జనరల్ బాడీ మీటింగ్ జ‌ర‌గ‌గా, ఈ మీటింగ్‌లో అనేక విషయాలు చర్చల్లోకి వచ్చాయి. ‘మా’ బిల్డింగ్ ప్రాజెక్ట్ పూర్తయ్యే వరకు మంచు విష్ణు కార్యవర్గం మరికొంతకాలం కొనసాగుతుందని ఏకగ్రీవంగా తీర్మానించారు. సుమారు 400 మంది ‘మా’ సభ్యులు హాజరైన ఈ సమావేశంలో… మేలో జరగబోయే ఎన్నికలు, జులైలో జరగనున్న నిధుల సేకరణ కార్యక్రమం, ‘మా’ భవన నిర్మాణంలో కొనసాగుతున్న వివిధ ముఖ్యమైన విషయాలను ప్రస్తావించారు.
‘మా’ భవనం విజయవంతంగా పూర్తయ్యే వరకు అధ్యక్షుడు విష్ణు మంచు నేతృత్వంలోని ప్రస్తుత కమిటీ పదవీకాలాన్ని పొడిగించాలనే ప్రతిపాదన ముందుకు వచ్చింది. ఈ ప్రతిపాదనకు ప్రస్తుత సభ్యులందరి నుంచి ఏకగ్రీవ మద్దతు లభించింది. తమపై ఇంతటి విశ్వాసాన్ని ఉంచిన సభ్యులందరికీ మంచు విష్ణు కృతజ్ఞతలు తెలిపారు. ఈ సందర్భంగా ఆయన తన ప్యానెల్ సభ్యులకు హృదయపూర్వక అభినందనలు తెలియజేశారు. తనకు, తన ప్యానెల్‌కు అప్పగించిన బాధ్యతను గుర్తించి ‘మా’ సభ్యులందరి అభివృద్ధి, సంక్షేమం కోసం పాటు పడతామని ప్రతిజ్ఞ చేశారు. అయితే మంచు విష్ణు చేసిన కామెంట్స్‌పై ట్రోలింగ్ నడుస్తూనే ఉంది. ఇంత‌క ముందే ఏం చేయ‌లేదు. ఇప్పుడు ఏం చేస్తారంటూ సెటైర్ పేలుస్తున్నారు.
మంచు ఫ్యామిలీ ప్రెస్టీజియస్ గా భావించి తీస్తున్న సినిమా కన్నప్ప . మంచు విష్ణు డ్రీమ్ ప్రాజెక్టుగా తెరకెక్కుతున్న ఈసినిమా కోసం ఇప్పటికే ఉత్తర, దక్షణాది భాషల్లో నటించే స్టార్ నటులను సెలక్ట్ చేసి వారికి తగిన పాత్రలు డిజైన్ చేస్తున్నారు. ఇందులో భాగంగానే మూవీ కోసం మరో బాలీవుడ్ స్టార్ హీరో పని చేస్తున్నారు. ఈ విషయాన్ని మంచు విష్ణు స్వయంగా తన ఇన్ స్టాగ్రామ్ అకౌంట్ లో షేర్ చేశారు. కన్నప్ప మూవీలో అక్షయ్ కుమార్ శివుడి పాత్రలో కనిపించబోతున్నాడని సమాచారం. ఇక అక్షయ్ తో విష్ణు, మోహన్ బాబు కలిసి మాట్లాడిన వీడియోని తన ఇన్ స్టా అకౌంట్లో షేర్ చేశాడు. ఇప్పటికే ఈసినిమా కోసం భారీ తారాగణాన్ని సెలక్ట్ చేసుకున్న నిర్మాత మోహన్ బాబు.. సినిమా రిజల్ట్స్ మాత్రం భారీగానే ఎక్స్ పెక్ట్ చేస్తున్నారు. ఒక్కమాటలో చెప్పాలంటే ప్యాన్ ఇండియాను మించిన సినిమా అవ్వాలని కోరుకుంటున్నారు.
