Prudhvi Raj : థర్టీ ఇయర్స్ ఇండస్ట్రీ అంటూ డైలాగ్‌తో కమెడియన్ ఫృథ్వీ రాజ్ అందరికీ బాగా కనెక్ట్ అయిన విష‌యం తెలిసిందే.ఎన్నో చిత్రాల్లో ఆయన నటించి మెప్పించారు. ఇటు నటనతో పాటు.. ఆయన రాజకీయాల్లో కూడా రాణిస్తున్నారు. అయితే రాజకీయాలలోకి వచ్చినటువంటి పృథ్వీరాజ్ ఎన్నో విమర్శలను ఎదుర్కొన్నారు. ఆయనకు వైసీపీ ఇచ్చిన పదవి కూడా వదులుకోవాల్సి వచ్చింది. అయితే ప్రస్తుతం రాజకీయాలకు మెల్లమెల్లగా దూరం అవుతూ ఈయన సినిమా అవకాశాలను అందుకుంటూ కెరియర్ పరంగా ఎంతో బిజీగా అయ్యారు. ఇప్పుడు తన కుమార్తె శ్రీలు హీరోయిన్ గా తెరకెక్కుతున్నటువంటి కొత్త రంగుల ప్రపంచం అనే సినిమాకు దర్శకత్వం వ‌హిస్తున్నారు పృథ్వీరాజ్.
క్రాంతి కృష్ణ హీరోగా, పృథ్వీరాజ్ ప్రధాన పాత్రలో నటిస్తూనే ఈ చిత్రాన్ని తెరకెక్కిచారు.ఈ మూవీ ట్రైలర్ ని పవర్ స్టార్ పవన్ కళ్యాణ్ చేతులు మీదుగా రిలీజ్ చేశారు. సినిమా టైటిల్ కి తగ్గట్టే ట్రైలర్ లో చాలా రంగులు కనిపించాయి. సినిమా ఇండస్ట్రీ నేపథ్యంతో సాగే ఈ చిత్రాన్ని హార్రర్ థ్రిల్లర్ గా ఆడియన్స్ ముందుకు తీసుకు రాబోతున్నట్లు తెలుస్తుంది. ఇక ఈ ట్రైలర్ ని రిలీజ్ చేసిన పవన్ కళ్యాణ్ మూవీ టీంకి తన విషెస్ తెలియజేశారు. ట్రైలర్ చేయడానికి ముందు పవన్ క‌ల్యాణ్ కాళ్ల మీద ప‌డి ఆశీర్వాదం తీసుకున్నారు శ్రీలు. ఇక పృథ్వీరాజ్ అయితే అంబ‌టి డ్రెస్ మాదిరిగా ఓ డ్రెస్ వేసి క‌నిపించారు.
ఇక ఇదిలా ఉంటే శ్రీలు కొంతకాలంగా ఈమె ప్రేమలో ఉంది అంటూ వార్తలు వైరల్ అవుతున్న విష‌యం తెలిసిందే.శ్రీలు ఎవరితో ప్రేమలో ఉంది.. ఆ హీరో ఎవరు అని తెలుసుకునేందుకు నెటిజన్లు తెగ ఆసక్తి చూపుతున్నారు. ఇంతకీ ఆ హీరో ఎవరబ్బా అని ఆరా తీస్తున్నారు. ఈ సినిమా హిట్ ప‌డితే అటు పృథ్వీరాజ్ పేరు, ఇటు శ్రీలు పేరు హాట్ టాపిక్ కావ‌డం ఖాయం.
