Virat Kohli Daughter Vamika : టీమిండియా స్టార్‌ బ్యాటర్‌, ఛేజ్ మాస్టర్, కింగ్‌ కోహ్లీ రీసెంట్‌గా తన బ‌ర్త్ డే జ‌రుపుకున్న విష‌యం తెలిసిందే. ఆయన 35వ వ‌సంతంలోకి అడుగుపెట్టిన క్ర‌మంలో చాలా మంది విరాట్‌కి శుభాకాంక్ష‌లు తెలియ‌జేశారు. ఇక ఆ రోజు సౌతాఫ్రికాతో విరాట్ మ్యాచ్ ఆడ‌గా, ఆ మ్యాచ్‌లో సెంచరీ చేసి తన బర్త్‌డేని స్పెష‌ల్‌గా మార్చుకున్నాడు. విరాట్ బ‌ర్త్ డే రోజు కోహ్లీ తోటి ప్లేయర్స్‌.. అతడితో ఉన్న అనుబంధాన్ని గుర్తు చేసుకుంటూ.. ఆ సందర్భంగా తీసిన ఫొటోలను షేర్ చేసారు. ఇక ఆయన భార్య, బాలీవుడ్‌ హీరోయిన్‌ అనుష్క శర్మ..బర్త్‌డే విషెస్ చెబుతూ.. కోహ్లీ సాధించిన ఓ అరుదైన రికార్డును ప్రస్తావించింది.
తన భర్త జీవితంలోని ప్రతి పాత్రలో ఎంతో అసాధారణంగా ఉంటాడని పేర్కొన్నది. తాను జీవితమంతా కోహ్లీనే ప్రేమిస్తానని తెలిపింది. అలానే కోహ్లీ సాధించిన ఓ అరుదైన రికార్డును ఈ సందర్భంగా పోస్ట్ చేసింది. 2011లో ఇంగ్లాండ్‌తో జరిగిన ఓ టీ20 మ్యాచ్‌లో మొదటిసారి బౌలింగ్‌ చేసిన కోహ్లీ.. ఒక్క బాల్ వేయకుండానే వికెట్ సాధించిన బౌలర్‌గా అరుదైన ఘనత సాధించాడు. కాగా, కోహ్లీ-అనుష్కలది ప్రేమ వివాహం అనే సంగతి అందరికి తెలిసిందే. కొన్నాళ్ల పాటు ప్రేమించుకున్న వీరు.. 2017, డిసెంబర్‌లో పెళ్లి చేసుకున్నారు. వీరికి ఓ కూతురు వామిక ఉంది. వామిక‌ని బ‌య‌ట ప్ర‌పంచానికి క‌నిపించ‌కుండా వీరిద్ద‌రు జాగ్ర‌త్తలు తీసుకుంటున్నారు.
అయితే వామిక తన తండ్రి బ‌ర్త్ డే రోజు త‌గ సంద‌డి చేసింది. డాడ్ హ్యాపీ బ‌ర్త్ డే అంటూ క్యూట్ క్యూట్‌గా విషెస్ చెప్పింద‌ట. అంతేకాదు తన తండ్రి బ‌ర్త్ డే సందర్భంగా స్పెష‌ల్ గిఫ్ట్ కూడా ఇచ్చింద‌ట. కూతురి గిప్ట్ చూసి విరాట్ చాలా మురిసిపోయిన‌ట్టు నేష‌న‌ల్ మీడియా చెప్పుకొచ్చింది. ఏదేమైన ఈ బ‌ర్త్ డే విరాట్‌కి చాలా స్పెష‌ల్‌గా మారింది. ఇక ఇదిలా ఉంటే అనుష్క సెకండ్ ప్రెగ్నెన్సీకి సంబంధించిన వార్తలు వైరల్ అవుతున్నాయి. అనుష్క శర్మ వీడియో సోషల్ మీడియాలో బయటపడింది, దీనిలో ఆమె తన బేబీ బంప్‌ను ప్రదర్శిస్తున్నట్లు కనిపిస్తుంది. దీంతో ఇప్పుడు అనుష్క, విరాట్ మరోసారి తల్లిదండ్రులు కాబోతున్నారని నెటిజన్లు కామెంట్లు పెడుతున్నారు. బెంగుళూరులోని ఒక హోటల్ నుండి బయటకు వచ్చిన ఈ జంటకు సంబంధించిన వీడియో క్లిప్ వైరల్ అవుతుంది. అనుష్క తన క్రికెటర్ భర్త విరాట్ కోహ్లితో చేయిలో చేయి వేసుకుని నడుస్తూ కనిపించింది . నవంబర్ 12న జరగనున్న ఇండియా వర్సెస్ నెదర్లాండ్స్ వరల్డ్ కప్ మ్యాచ్ కోసం ఇద్దరూ బెంగళూరులో ఉన్నారు. ఈ వీడియో అన్ లైన్‌లో పోస్టు చేయగానే.. అభిమానులు అనుష్క బేబీ బంప్ కనిపిస్తోందని కామెంట్లు చేశారు.
