Sitara Ghattamaneni : మహేష్ బాబు గారాల ప‌ట్టి సితార గురించి ప్ర‌త్యేక ప‌రిచ‌యాలు అక్క‌ర్లేదు. సోషల్ మీడియాలో తెగ సంద‌డి చేస్తూ మంచి ఫ్యాన్ ఫాలోయింగ్ సంపాదించుకుంది సితార. ఎప్ప‌టిక‌ప్పుడు ఇంట్రెస్టింగ్ వీడియోలు షేర్ చేస్తూ అల‌రిస్తూ ఉంటుంది. తండ్రి మహేష్ బాబు, తల్లి నమ్రత సితారకి మంచి స్వేచ్ఛను ఇవ్వ‌డంతో సోషల్ మీడియాలో యాక్టివ్ గా ఉంటూ ఫాలోవ‌ర్స్‌ని పెంచుకుంటుంది సితార. ఈ చిన్నారి నిత్యం ఏదో ఒక పోస్టు తో నెటిజన్లను ఆకట్టుకుంటుంది. ఆ మధ్య వెండితెరపై కూడా అడుగుపెట్టింది.తన తండ్రి నటించిన సర్కారు వారి పాటలో ఒక పాటకు స్టెప్పులు కూడా వేసింది.ఫ్యామిలీతో కలిసి విదేశాలలో తిరిగినప్పుడు కూడా బాగా ఫోటోలు దిగుతూ పంచుకుంటుంది.
సితార సోషల్ మీడియాకు ఎంత యాక్టివ్ గా ఉంటుందో గౌతమ్ సోషల్ మీడియాకు అంత దూరంగా ఉంటాడు. సితార కేవలం క్లాసికల్ డాన్స్ లే కాకుండా వెస్టర్డ్ డాన్స్ లు కూడా చేస్తూ ఉంటుంది.ఇటీవ‌ల లంగా ఓణి క‌ట్టి సారంగ‌ద‌రియా పాటకి అద‌ర‌గొట్టింది. ఇక తాజాగా సితార ఒక జ్యువెలరీ యాడ్లో నటించగా అది న్యూయార్క్ లోని ఒక షాపింగ్ మాల్ లో వేశారు.ఇక అందులో సితార హీరోయిన్లను మించి అందంతో కనిపించి అంద‌రిని క‌ట్టిప‌డేసింది. ఆ యాడ్లో సితార చాలా పెద్ద అమ్మాయిగా కనిపించడంతో ఇక సితార హీరోయిన్ అవ్వటం ఫిక్స్ అని మహేష్ బాబు ఫ్యాన్స్ ఫిక్స్ అయ్యారు.
ఇక యాడ్ లో న‌టించినందుకు సితార కోటి రూపాయ‌ల పారితోషికం తీసుకున్న‌ట్లు వార్త‌లు వినిపించాయి. అయితే.. దీనిపై ఎలాంటి అధికారిక ప్ర‌క‌ట‌న లేదు. కాగా.. తాజాగా ఓ ఇంట‌ర్వ్యూలో సితార మాట్లాడుతూ తన పారితోషికంపై స్పందించింది. తాను ఎంత తీసుకున్నాను అనే విష‌యాన్ని అయితే చెప్ప‌లేదు గానీ త‌న‌కు ఇచ్చిన రెమ్యున‌రేష‌న్‌ను మాత్రం ఛారిటీకి ఇచ్చిన‌ట్లు పేర్కొంది. యాడ్ షూట్ మొత్తం చాలా స‌ర‌దాగా సాగింద‌ని, ప్ర‌తి ఒక్క‌రు త‌న‌కు స‌పోర్టు చేసిన‌ట్లు చెప్పింది. తన యాడ్‌కు సంబంధించిన ఫోటోల‌ను న్యూయార్క్‌లోని టైమ్ స్క్వేర్‌లో క‌నిపించిన రోజు ఆనందంతో క‌న్నీళ్లు వ‌చ్చేశాయ‌ని కూడా చెప్పింది సితార.
