Bandla Ganesh : ప్ర‌స్తుతం ఏపీ రాజ‌కీయాలు చాలా రంజుగా మారాయి. ఒక‌రిపై ఒక‌రు దారుణ‌మైన విమ‌ర్శ‌లు చేస్తుండగా, ఈ విష‌యాలు తెలుగు రాష్ట్రాల‌లో హాట్ టాపిక్‌గా మారాయి. పవన్ క‌ళ్యాణ్‌ని టార్గెట్ చేస్తూ మూడు పెళ్లిళ్ల గురించి మాట్లాడ‌డం, అలానే ఆయన కుటుంబ స‌భ్యుల‌ని దారుణంగా విమ‌ర్శించ‌డ‌పై కొంద‌రు దారుణంగా త‌ప్పు ప‌డుతున్నారు. రీసెంట్‌గా బండ్ల గణేష్..ఓ ఛానెల్‌కి ఇచ్చిన ఇంట‌ర్వ్యూలో వైసీపీ నాయ‌కుల‌పై విరుచుకుప‌డ్డారు. పవన్ క‌ళ్యాణ్‌పై అలాంటి వ్యాఖ్య‌లు చేయ‌డం స‌రికాదు అని అన్నారు. నోరు అదుపులో పెట్టుకోక‌పోతే ఏదో ఒక వ్యాధి వ‌స్తుంద‌ని అని శ‌పించాడు.
ఇక ఎవ‌రి ప‌ద‌వి శాశ్వ‌తం కాదు. మాజీ ముఖ్యమంత్రిగా చేసిన వాళ్ల‌ని ఎవ‌రు ప‌ట్టించుకోవ‌డం లేదు. రోజా, పోసాని సినీ ఇండ‌స్ట్రీకి సంబంధించిన వాళ్లు అయిన కూడా పవన్ క‌ళ్యాణ్‌పై వారు అలా మాట్లాడ‌డం ఏ మాత్రం న‌చ్చ‌లేదు అంటూ ఆగ్ర‌హం వ్యక్తం చేశాడు బండ్ల గణేష్.కొన్నాళ్లుగా బండ్ల గ‌ణేష్‌ని పవన్ దూరం పెట్టిన కూడా ఆయన ఎప్పుడో అప్పుడు పవన్ పై తన ప్రేమ చూపిస్తూనే ఉన్నారు. కాగా భీమ్లా నాయక్ ప్రీ రిలీజ్ ఈవెంట్ కి ఆహ్వానం అందని బండ్ల గణేష్ పవన్ మిత్రుడు త్రివిక్రమ్ ని తిట్టాడు. ఆ ఆడియో ఫైల్ లీక్ అయ్యింది. త్రివిక్రమ్ పట్ల బండ్ల ప్రవర్తించిన తీరు నచ్చని పవన్ కళ్యాణ్ దూరం పెట్టాడనే ప్రచారం జరుగుతుంది.
ఇక ఈ వివాదం తర్వాత పవన్-బండ్ల కలిసింది లేదు. బండ్ల గణేష్ మీద పవన్ కళ్యాణ్ కోపం తగ్గలేదని అందుకే బండ్లకు అపాయింట్మెంట్ ఇవ్వడం లేదని టాలీవుడ్ టాక్. ఇక ఇటీవల పవన్ కళ్యాణ్ ఇంస్టాగ్రామ్ ఎంట్రీ ఇచ్చిన విషయం తెలిసిందే. మొదటి పోస్ట్ గా ఒక వీడియో షేర్ చేశారు. కెరీర్ బిగినింగ్ నుండి తన సినిమా జర్నీ ఫోటోల రూపంలో పంచుకుకోగా, అందులో స్టార్ హీరోలు, దర్శకులు, నటులు, మ్యూజిక్ డైరెక్టర్స్, నిర్మాతలతో పాటు పలు పరిశ్రమలకు చెందిన ప్రముఖులను కలిసిన ఫోటోలు వీడియోలో జోడించారు. ఆలీ, మోహన్ బాబులతో దిగిన ఫోటోలు లేవు. అనూహ్యంగా బండ్ల గణేష్ తో ఉన్న ఫోటో వీడియోలో ఉంది. ఇది చూసిన వారు పవన్ ఇప్పుడు బండ్ల విష‌యంలో మెత్త‌బ‌డ్డాడని అంటున్నారు.
