Roja : గ‌త కొద్ది రోజులుగా ఏపీలో రాజ‌కీయం మ‌రింత వేడెక్కింది. ఒక‌రిపై ఒక‌రు దారుణమైన విమర్శలు చేసుకుంటూ వార్త‌ల‌లో నిలుస్తున్నారు. గ‌త కొద్ది రోజులుగా పవన్ కళ్యాణ్ ఉభ‌య గోదావరి జిల్లాల‌లో వారాహి యాత్ర కొన‌సాగించ‌గా, దీనిపై వైసీపీ నాయ‌కులు అనేక విమర్శలు గుప్పించారు. తాజాగా మంత్రి రోజా పవన్, నారా లోకేష్, చంద్ర‌బాబుల‌పై సెటైరిక‌ల్ కామెంట్స్ చేసింది. ఏపీ ప్రజలు హాయ్ ఏపీ.. బై బై బీపీ (బాబు, పవన్ ).. వన్స్ ఎగైన్ వైఎస్ఆర్ సీపీ అంటున్నారని మంత్రి రోజా పేర్కొన్నారు. ఇరిటేషన్ స్టార్ పవన్ కళ్యాణ్, ఇమిటేషన్ స్టార్ చంద్రబాబు, ఇన్స్పిరేషన్ స్టార్ జగనన్న కాలు మీద ఉన్న వెంట్రుక కూడా పీకలేరు అంటూ మంత్రి రోజా ఘాటు వ్యాఖ్యలు చేశారు.
ఆంధ్ర రాష్ట్ర ప్రజలు మళ్లీ జగన్ ను సీఎం చేయాలన్న కసితో ఉన్నారని, ఎంతమంది పవన్ కళ్యాణ్ లు వచ్చినా లాభం లేదని రోజా కామెంట్ చేసింది.పవన్ కళ్యాణ్ వచ్చే ఎన్నికల్లో కూడా ఎమ్మెల్యే కాలేరని జోస్యం చెప్పారు. జాతరలో వేపాకు పట్టుకొని ఉగినట్లు ఊగడం తప్ప పవన్ కళ్యాణ్‌కూ ఏమీ తెలియదని ఎద్దేవా చేశారు. గోదావరి జిల్లాలో 34 అసెంబ్లీ నియోజకవర్గాలు గెలవడం కాదు.. దమ్ముంటే రాష్ట్రం మొత్తంలో 34 మంది అభ్యర్థులను పవన్ కళ్యాణ్ సొంతంగా నిలబెట్టాలని మంత్రి రోజా సవాల్‌ విసిరారు.ఇక నారా లోకేష్ కూడా ఎమ్మెల్యేగా గెలవాలని ఓపెన్ ఛాలెంజ్‌ చేశారు. మాజీ ముఖ్యమంత్రులు చంద్రబాబునాయుడు, కిరణ్ కుమార్ రెడ్డిలు సొంత జిల్లా చిత్తూరుకు చేసిందేమీ లేదని మంత్రి విమర్శలు గుప్పించారు.
రికార్డులు సృష్టించాలి అన్నా.. ఆయన రికార్డులను బ్రేక్ చేయాలన్న ఆయన తప్ప వేరే ఎవరూ బ్రేక్ చెయ్య లేరని మంత్రి రోజా పేర్కొన్నారు. ఇచ్చిన మాట కోసం జగన్మోహన్ రెడ్డి చిత్తూరు డెయిరీని ప్రారంభిస్తున్నారని మంత్రి రోజా స్ప‌ష్టం చేశారు. ప‌ప్పు ఎక్క‌డ ఉన్నాడో కూడా ఎవ‌రికి తెలియ‌డం లేదని రోజా.. నారా లోకేష్ పై పంచ్‌లు విసిరింది. ఏది ఏమైన కొన్నాళ్లుగా ఒక పార్టీ నేతలు మ‌రొక పార్టీపై దారుణమైన కామెంట్స్ చేస్తూ రాజ‌కీయాల‌లో మ‌రింత వేడి పుట్టిస్తున్నారు.
