Ram Charan : మెగా ప‌వర్ స్టార్ రామ్ చరణ్ సతీమ‌ణి ఉపాసన జూన్ 20న పండంటి చిన్నారికి జ‌న్మ‌నిచ్చిన విష‌యం తెలిసిందే.రామ్ చరణ్, ఉపాసనల పెళ్లి 2012 జూన్ 24న ఘనంగా జర‌గ‌గా, వీరి పెళ్లి జ‌రిగిన 11 ఏళ్ళకి ఒక పండంటి ఆడబిడ్డకు ఉపాసన జ‌న్మనిచ్చింది. దీంతో మెగా ఫ్యామిలీ ఇంట సంద‌డి వాతావ‌ర‌ణం నెల‌కొంది. ఇక రామ్ చరణ్ కూతురిని మెగా ప్రిన్సెస్ అని కొద్ది రోజులుగా పిలుచుకుంటుండ‌గా, చిన్నారికి ఏ పేరు పెడ‌తార‌ని అంద‌రు అనేక ఆలోచ‌న‌లు చేస్తున్నారు. ఈ క్ర‌మంలో మెగా వారసురాలి పేరును ఫిక్స్ చేసినట్లు చిరంజీవి స్ప‌ష్టం చేశారు.
జూన్ 30న మెగాస్టార్ ఇంట్లో బారసాల కార్యక్రమం పెద్ద ఎత్తున నిర్వహించారు. తాజాగా తన మనవరాలి పేరు తెలియజేస్తూ ట్వీట్ చేశారు మెగాస్టార్ చిరంజీవి. రామ్ చరణ్, ఉపాసన కూతురి పేరు క్లిన్ కారా కొణిదెల అని పెట్టినట్లుగా తెలిపారు. క్లింకారా అనేది లలితాసహస్రనామాల్లో ఒక బీజాక్షం. ప్రకృతికి శక్తికి ప్రతిరూపం అర్థం అని.. ఆ పేరుతో ఒక శక్త, పాజిటివ్ వైబ్రేషన్ ఉందని.. ఈ లక్షణాలని మా లిటిల్ ప్రిన్సెస్ అందిపుచ్చుకొని తన వ్యక్తిత్వతంలో పెరిగేకొద్దీ ఇమడ్చుకుంటుందని నమ్ముతున్నట్లు తెలిపారు. అయితే పాప పేరు చాలా ట్రెండీగా ఉందని, ఇంత భక్తి పార‌వ‌శ్యం కూడా నెల‌కొంద‌ని చెబుతున్నారు.
నేడు జ‌రిగి బారసాల వేడుక కోసం లక్షల ఖర్చు చేసి ఇంటిని అందంగా అలంకరించారు. బార‌సాల‌కి సంబంధించిన ఫొటోల‌ని త‌మ ఇన్‌స్టాగ్రామ్‌లో పోస్ట్ చేసింది ఉపాసన. ఇక 2012లో రామ్ చరణ్-ఉపాసన ప్రేమ వివాహం చేసుకున్నారు. వీరి ప్రేమకు ఇరు కుటుంబాల పెద్దలు అంగీకారం తెలపడంతో ఘనంగా పెళ్లి చేశారు. పెళ్ళై పదేళ్లు అవుతున్నా రామ్ చరణ్ దంపతులు పేరెంట్స్ కాలేదు. ఇది తీవ్ర చర్చకు దారితీసింది. విమర్శలు వెల్లువెత్తాయి. అయితే పదేళ్ల వరకు పిల్లలు వద్దని తాము నిర్ణయించుకున్నట్లు ఉపాసన ఇటీవల వెల్లడించారు. మొత్తానికి వారికి పాప పుట్ట‌డం ఆమెకు పేరు పెట్టి ఆ పేరు రివీల్ చేయ‌డంతో మెగా అభిమానులు సంతోషంగా ఉన్నారు.
