Chiranjeevi : వాల్తేరు వీర‌య్య సినిమాతో బ్లాక్ బ‌స్టర్ హిట్ కొట్టిన మెగాస్టార్ చిరంజీవి ప్ర‌స్తుతం మెహ‌ర్ ర‌మేష్ ద‌ర్శ‌క‌త్వంలో భోళా శంకర్ అనే సినిమా చేస్తున్నారు. ఈ సినిమా మెహ‌ర్ ర‌మేష్‌కి కీలకం కావడంతో జాగ్రత్తగా డీల్ చేస్తున్నారు. ఇటీవల విడుదలైన భోళా శంకర్ సాంగ్ కి మంచి రెస్పాన్స్ వచ్చింది. ఇక ఈ సినిమాకి సంబంధించి అభిమానులు ఆస‌క్తిక‌రంగా గ‌మ‌నిస్తుండ‌గా, చిరు ఎప్పటిలాగే తన లీక్స్ ద్వారా ఫ్యాన్స్ కి ఫుల్ ఫన్ అందిస్తున్నారు. ఆ మ‌ధ్య షూటింగ్ లొకేష‌న్ విజువ‌ల్స్ షేర్ చేసిన చిరంజీవి తాజాగా భోళా శంకర్ చిత్రంలోని సంగీత్ నేపథ్యంలో వచ్చే సాంగ్ కి సంబంధించిన వీడియో చిరు లీక్ చేశారు.
ఈ చిత్రంలో కీర్తి సురేష్ చిరంజీవి చెల్లి పాత్రలో నటిస్తోంది. ఇక మిల్కీ బ్యూటీ తమన్నా హీరోయిన్ గా చేస్తోంది. సుశాంత్ కీలక పాత్రలో నటిస్తున్నాడు. సంగీత్ సాంగ్ కోసం కలర్ ఫుల్ గా గ్రాండ్ సెట్ ఏర్పాటు చేశారు. షూటింగ్ కి ఆర్టిస్టులు అంతా సిద్ధంగా ఉన్నారు. ఇక చిరు కీర్తి, తమన్నా లతో ముచ్చట్లు పెట్టుకుని తెగ అల్లరి చేస్తున్నారు. ఈ సాంగ్ కి శేఖర్ మాస్టర్ కొరియోగ్రాఫర్ ,ఏస్తున్నాడ‌ని అర్ధ‌మ‌వుతుంది. కమెడియన్లు వెన్నెల కిషోర్, రఘుబాబు, హైపర్ ఆది, గెటప్ శ్రీను, వైవా హర్ష కూడా కనిపిస్తున్నారు.
సెట్ మొత్తం ఆర్టిస్టులు, మెగాస్టార్ హంగామాతో సందడిగా ఉంది. చిరు అయితే కీర్తి సురేష్, తమన్నా లతో ఉంటూ బాగా హంగామా చేస్తున్నారు. ఒక సందర్భంలో చిరు కీర్తి సురేష్ గొంతుని సరదాగా పట్టుకోవడం కూడా చూడొచ్చు. సంగీత్ సాంగ్ అయినప్పటికీ ‘జామ్ జామ్ జామ్ జజ్జినక తెల్లార్లు ఆడుదాం తైతక్క’ అంటూ హుషారెత్తించే లిరిక్స్ వినిపిస్తున్నాయి. కోలీవుడ్‌లో అజిత్ నటించిన ‘వేదాళం’ చిత్రానికి తెలుగు రీమేక్‌గా ‘భోళా శంకర్’ తెరకెక్కుతోంది. స్టార్ కాస్టింగ్‌తో చిత్రం రూపొందుతుంది.
