Samantha In Gym : టాలీవుడ్ స్టార్ హీరోయిన్ సమంత గురించి ప్ర‌త్యేక ప‌రిచ‌యాలు అక్క‌ర్లేదు. చూడ‌చ‌క్క‌ని అందం, ఆక‌ట్టుకునే అభిన‌యంతో అశేష ప్రేక్ష‌కాద‌ర‌ణ ద‌క్కించుకుంది ఈ అందాల ముద్దుగుమ్మ. తన మాజీ భర్త నాగచైతన్యతో విడాకుల తరువాత, ఆమె తన స్పీడు మరింత పెంచేసింది. లీడ్ రోల్స్‌లో పలు సినిమాలను లైన్‌లో పెట్టిన ఈ బ్యూటీ, అటు హీరోయిన్‌గా కూడా పలు ప్రాజెక్టులను ఓకే చేస్తూ బిజిబిజీగా ఉంది. ఈ అమ్మ‌డు కేవలం తెలుగులోనే కాకుండా ఇతర భాషల్లోనూ సినిమాలు ఓకే చేస్తూ అందరిని ఆశ్చ‌ర్య‌ప‌రుస్తుంది. పుష్ప చిత్రంలో ‘ఊ అంటావా..’ అనే పాటతో ఐటెం సాంగ్స్‌కు కూడా తాను రెడీ అంటూ దర్శకనిర్మాతలకు క్లూ ఇచ్చేసింది ఈ బ్యూటీ.
అయితే సమంత తన బాడీని ఫిట్‌గా ఉంచుకునేందుకు జిమ్‌లో తెగ కష్టపడుతూ ఉంటుంది. దీనికి సంబంధించి పలుమార్లు ఆమె తన వర్కవుట్ వీడియోలను సోషల్ మీడియాలో పోస్ట్ చేయ‌గా, అవి చూసి నెటిజ‌న్స్ అవాక్క‌య్యారు. అమ్మో సమంత క‌ష్టం మాములుగా లేద‌ని కామెంట్స్ చేశారు. తాజాగా ఈ అమ్మ‌డు జిమ్ లో హార్డ్ వ‌ర్క్ చేస్తున్న వీడియో నెట్టింట వైరల్ అయింది. ప్ర‌స్తుతం సమంత జిమ్ వీడియో సోషల్ మీడియాని షేక్ చేస్తుంది. జిమ్‌లో ఈ విధంగా బరువులు ఎత్తుతూ వర్కవుట్స్ చేస్తున్న సమంత తన ఫ్యాన్స్ కూడా ఫిట్‌గా ఉండాలని కోరుతుంది. అయితే నిపుణుల పర్యవేక్షణలో మాత్రమే ఇలాంటి హెవీ వర్కవుట్స్ చేస్తుంది సమంత.
సమంత రీసెంట్‌గా శాకుంతలం, యశోద అనే రెండు పాన్ ఇండియా సినిమాల‌తో ప‌ల‌క‌రించింది. ఇందులో యశోద మంచి విజ‌యం సాధించిన శాకుంతలం దారుణంగా నిరాశ‌ప‌ర‌చింది. ఇక బాలీవుడ్‌‌లో వరుణ్ ధావన్ సినిమాలో హీరోయిన్‌గా కనిపించబోతుంది. అంతేగాక రౌడీ స్టార్ విజయ్ దేవరకొండ – శివ నిర్వాణ కాంబోలో రాబోతున్న సినిమాలో కూడా సమంత హీరోయిన్‌గా నటిస్తుంది. హాలీవుడ్ మూవీలో కూడా స‌మంత‌కు ఆఫ‌ర్ వ‌చ్చిన‌ట్టు ప్ర‌చారం జ‌రుగుతుంది. దీనిపై క్లారిటీ రావ‌ల‌సి ఉంది.
