Naveen Vijay Krishna : సీనియర్ న‌టుడు నరేష్ ఈ మ‌ధ్య త‌ర‌చు వార్త‌ల‌లో నిలుస్తుండ‌డం చూస్తున్నాం. మూడో భార్య‌తో గొడ‌వ, మ‌రోవైపు ప‌విత్రా లోకేష్‌తో స‌హ‌జీవ‌నం ఇలా ఏదో ఒక విష‌యంతో హాట్ టాపిక్ అవుతూనే ఉన్నాడు. అయితే అత‌ని కొడుకు నవీన్ విజయ్ కృష్ణ అంద‌రికి సుప‌ర‌చిత‌మే. హీరోగా ఎనిమిదేళ్ల క్రితం ఇండస్ట్రీకి ఇవ్వ‌గా, కేవలం నాలుగు సినిమాలు మాత్ర‌మే చేసి ఇండస్ట్రీ నుంచి దూరం అయ్యాడు. ఇకపోతే సొంతంగా తానే సినిమా తీసుకోగలిగే సత్తా ఉన్నప్పటికీ కూడా ఎందుకో ఆయన హీరోగా చేసే అవ‌కాశాలు కనిపించ‌డం లేదు. వాస్తవానికి నవీన్ విజయ్ కృష్ణకు బోలెడంత సినిమా బ్యాక్ గ్రౌండ్ ఉంది.. అటు నానమ్మ విజయనిర్మల ,తండ్రి వికే నరేష్, తాత కృష్ణ ఇలా అందరూ కూడా సినిమా ఇండస్ట్రీ వారు అయిన ఎందుకో పెద్దగా వినియోగించుకోలేక‌పోయాడు.
అయితే చాలా రోజుల త‌ర్వాత మ‌నోడు ఓ పార్టీలో మెరిసాడు. మెగా మేనల్లుడు సాయి ధరమ్ తేజ్ అండ్ బ్యాచ్ మనోజ్ కొత్త ఇంట్లో తాజాగా సంద‌డి చేశారు.. తన స్నేహితులే వంట మాస్టర్లుగా మారి కుకింగ్ కూడా చేశారు. నైట్ పార్టీని ఫుల్ గా ఎంజాయ్ చేసారు. అందుకు సంబంధించిన ఓ ఫోటోని మనోజ్ షేర్ చేయగా అది వైరల్ గా మారింది. ఈ ఫోటోగ్రాఫ్ లో సాయి తేజ్ ముసిముసి నవ్వులు నవ్వుతూ కనిపించగా.. మనోజ్ తన సతీమణి మౌనిక కుమారుడిని ఎత్తుకుని ఎంతో ఆప్యాయంగా కనిపించారు.ఈ సందర్భంగా మనోజ్ తన పోస్ట్‌లో ఈరోజు నా కొత్త ఇంటిలో నా సోదరులతో ఒక సూపర్ వంట సెషన్ జరిగింది. నవీన్ విజయ్ కృష్ణ (సీనియర్ నరేష్ కుమారుడు యువహీరో) బెస్ట్ బిర్యానీ వండాడు.
మా బిరియానీ టైమ్స్ రంజిత్ వండిన బటర్ చికెన్ తినడానికి చాలా కిక్కిచ్చింది.. అని తెలిపారు. ఫొటోలో నవీన్ విజయ్ కృష్ణ గుర్తు ప‌ట్టకుండా మారాడు. చాలా లావు అయిపోయాడు. నాలుగో పెళ్లి వ్యవహారం, మీడియాలో వరుస కథనాలు ,పర్సనల్ లైఫ్ ఇలా విష‌యాలు త‌న‌ని మరింత ఇబ్బందులకు గురిచేస్తుందట. అందుకే బ‌య‌ట‌కు కూడా పెద్దగా రావడం లేదు. ఇక తండ్రి చేస్తున్న పనుల వల్ల వారు హ్యాపీగా లేనట్టు తెలుస్తోంది. అంతేకాదు తన తండ్రి హోటల్ రూమ్లో రెడ్ హ్యాండెడ్గా దొరికిపోవడం, సోషల్ మీడియా ముందు వెకిలి వేషాలు వేయడం వల్ల ఫ్యామిలీ పరువు కూడా పూర్తిగా పోయింది. అయితే వీటి వ‌ల‌న నవీన్ బ‌య‌ట‌కు రావడం లేద‌ని, వికే నరేష్ తన తండ్రి అని చెప్పుకోవడానికి సిగ్గుగా ఉంద‌ని తన తోటి స్నేహితుల‌తో చెప్పుకుంటున్న‌ట్టు టాక్.
