Samantha : టాలీవుడ్‌లో అంచెలంచెలుగా ఎదుగుతూ వచ్చిన సమంత చివ‌రిగా శాకుంతలం చిత్రంతో ప‌ల‌క‌రించింది. స్టార్ దర్శకుడు గుణశేఖర్ దర్శకత్వంలో వచ్చిన ఈ సినిమా మార్చి 30 న విడుదలై మిశ్రమ స్పందనను పొందుతుంది. ఎన్నో భారీ అంచనాల మధ్య విడుదల అయిన ఈ మూవీకు అనుకున్నంతగా ఆదరణ లభించడం లేదు. దీంతో మూమీ టీమ్ తో పాటు నటి సమంత కూడా విమర్శలు ఎదుర్కొంటుంది. గత కొన్ని రోజులుగా సమంతపై సోషల్ మీడియాలో రకరకాల వార్తలు కూడా వచ్చాయి. డిప్రెషన్ లోకి వెళ్లిపోయిందని, స్టార్ డమ్ పడిపోయిందని అనేక విమర్శలు తలెత్తాయి. ఈ నేపథ్యంలో సమంత ‘శాకుంతలం’ నెగిటివ్ రిజల్ట్ తర్వాత తన సోషల్ మీడియా ఖాతాలో ఓ పోస్ట్ చేయ‌గా, ఇప్పుడు ఇది హ‌ట్ టాపిక్ గా మారింది.
మంగ‌ళ‌వారం సమంత తన ఇన్‌స్టాగ్రామ్‌లో భ‌గ‌వ‌ద్గీత‌లోని ఓ శ్లోకాన్ని పోస్ట్ చేసింది. క‌ర్మ‌ణ్యే వాధికా ర‌స్తే మా ఫ‌లేషు క‌దాచ‌న మా క‌ర్మ ఫ‌ల‌హేతూర్భూ మా తే సంగోత్స‌వ ఆక‌ర్మ‌ణి అంటూ సమంత ఈ పోస్ట్‌లో పేర్కొన్న‌ది. క‌ర్మ చేయ‌డానికే మాత్ర‌మే కానీ క‌ర్మ‌ఫ‌లానికి అధికారివి కాదు. ప్ర‌తిఫ‌లాపేక్ష‌తో క‌ర్మ‌ల‌ను చేయ‌కు. అలాగ‌ని క‌ర్మ‌ల‌ను చేయ‌డం మ‌న‌కు అని ఈ శ్లోకం అర్థం. శాకుంతలం రిజ‌ల్ట్‌ను ఉద్దేశించి సమంత ఈ పోస్ట్‌ను పెట్టిన‌ట్లుగా నెటిజ‌న్లు అభిప్రాయ‌ప‌డుతోన్నారు. సినిమా రిజల్ట్ అన్న‌ది తన చేతులో లేద‌ని, ఈ రిజ‌ల్ట్‌కు తాను బాధ్యురాలిని కాద‌ని సమంత ఈ పోస్ట్ ద్వారా పేర్కొన్న‌ట్లు కొంద‌రు చెబుతున్నారు.
కాళిదాసు రచించిన అభిజ్ఞాన శాకుంతలం ప్రేరణతో ఈ మూవీను తెరకెక్కించారు దర్శకుడు గుణశేఖర్. స్క్రిప్ట్ పరంగా ఈ మూవీ బాగానే ఉన్నా దాన్ని తెరపైన చూపించడంలో దర్శకుడు విఫలమయ్యారని తెలుస్తుంది. ఈ మూవీ విడుదల రోజు నుంచే విమర్శలు మొదలైయ్యాయి. కథ, కథనం, గ్రాఫిక్స్ వర్క్ పై విమర్శలు వచ్చాయి. ముఖ్యంగా సమంత నటన పై కూడా కాస్త వ్యతిరేకత వచ్చింది. వెరసి ఈ సినిమా భారీ నష్టాలను చవిచూడాల్సి వచ్చింది. సమంత డ‌బ్బింగ్ కూడా సినిమాకి మైన‌స్ అని అంటున్నారు.
