Meena : దాదాపు నాలుగు ద‌శాబ్ధాల పాటు తెలుగు సినీ ప‌రిశ్ర‌మ‌ను ఓ ఊపు ఊపిన అందాల భామ మీనా. బాలనటిగా కెరీర్ ప్రారంభించిన మీనా ఆ తర్వాత ‘నవయుగం’ అనే తెలుగు సినిమాతో హీరోయిన్ గా ఎంట్రీ ఇచ్చింది. ‘సీతారామయ్య మనవరాలు’ సినిమాతో విపరీతమైన క్రేజ్ తెచ్చుకుంది. ఆ తర్వాత వరుసగా అగ్ర హీరోలతో జోడీ కట్టి స్టార్ హీరోయిన్ గా గుర్తింపు తెచ్చుకున్న మీనా.. తెలుగుతో పాటు తమిళం, మలయాళం, కన్నడ, హిందీ భాషల్లోని స్టార్ హీరోలందరితో మీనా జోడీ కట్టింది. నటిగా మంచి ఫామ్ లో ఉన్నప్పుడు ప్రముఖ వ్యాపరవేత్త విద్యాసాగర్ ను వివాహం చేసుకుంది.
విద్యాసాగర్, మీనా దంప‌తుల‌కి ఓ పాప జ‌న్మించింది. వారి జీవితం అంతా హ్యపీగా సాగుతుందనుకున్న సమయంలో గతేడాది మీనా భర్త విద్యాసాగర్ చనిపోయాడు. భర్త మరణంతో మీనా డిప్రెషన్ లోకి వెళ్లింది. ఇటీవ‌ల ఆ డిప్రెషన్ నుండి బ‌య‌ట‌ప‌డిన‌ట్టు తెలుస్తుంది. తాజాగా మీనా ఓ ఇంట‌ర్వ్యూలో తన క్ర‌ష్ గురించి చెప్పుకొచ్చింది. వివాహం కాకముందు హీరో హృతిక్ రోషన్ అంటే తనకు క్ర‌ష్ అని చెప్పిన ఆమె తనకు అలాంటి అబ్బాయితో పెళ్లి చేయమని వాళ్ళ అమ్మతో చెప్పింద‌ట. ఇక హృతిక్ పెళ్లి రోజు మీనా చాలా ఫీల్ అయ్యారట. తన గుండె బద్దలైందని మీనా ఓపెన్ గా చెప్పారు. ఈ విష‌యాన్ని మీనా తాజా ఇంట‌ర్వ్యూలో చెప్పుకొచ్చింది.
బాలీవుడ్ కండ‌ల‌వీరుడిగా పేరు తెచ్చుకున్న హృతిక్ రోషన్ 2000 సంవత్సరంలో ఫ్యాషన్ డిజైనర్ సుసానే ఖాన్ ని వివాహం చేసుకున్నారు. 2014లో హృతిక్ రోషన్ ఆమెకు విడాకులిచ్చారు. వీరికి ఇద్దరు సంతానం. ఇక మీనా విష‌యానికి వ‌స్తే తన భర్త మ‌ర‌ణం తర్వాత మీనా ప‌లు సినిమాలు చేస్తూ బిజీగా ఉంది. ఇక తన కుమార్తె సినీ ఎంట్రీ కోసం మాట్లాడుతూ.. తన కూతురు పట్ల చాలా సంతోషంగా ఉందన్నారు. మీనా కుమార్తె నైనికా విజయ్ నటించిన తేరితో సినీ రంగ ప్రవేశం చేసింది, ఇది బాక్సాఫీస్ వద్ద భారీ విజయాన్ని సాధించింది.
