Taraka Ratna Wife : నందమూరి తారకరత్న అనూహ్యంగా మ‌ర‌ణించ‌డం ప్రతి ఒక్క‌రిని ఎంతో క‌ల‌వ‌ర‌ప‌ర‌చింది. ఫిబ్రవరి 18న ఆయన కన్నుమూయగా నేటికీ తన భర్త జ్ఞాపకాలతో తీవ్ర భావోద్వేగం చెందుతోంది తారకరత్న వైఫ్ అలేఖ్య రెడ్డి. తన భర్తతో గడిపిన ఆ క్షణాలను మరచిపోలేక పోతోంది అలేఖ్య రెడ్డి. కుటుంబ సభ్యులు, సన్నిహితులు ఎంత ఓదార్చినా కూడా కంటతడి పెట్టుకోవడం మాత్రం ఆపడం లేదట. ఈ నేపథ్యంలో తాజాగా సోషల్ మీడియాలో ఆమె పెట్టిన పోస్ట్ వైరల్ అవుతోంది. తాజాగా బాలకృష్ణ గురించి ఆమె సోషల్ మీడియాలో భావోద్వేగంతో కూడిన పోస్ట్ పెట్టారు.
‘మనం సొంత కుటుంబంగా పిలిచే ఏకైక వ్యక్తి (బాలకృష్ణ). కష్ట, సుఖాల్లో చివరి వరకు ఒక కొండలా అండగా నిలిచిన ఏకైక వ్యక్తి. ఒక తండ్రిలా ఆసుపత్రికి తీసుకెళ్లడం దగ్గర నుంచి ఆసుపత్రిలో నీ బెడ్ పక్కన కూర్చోవడం, నీ కోసం తల్లిలా పాటలు పాడటం, సిల్లీ జోక్స్ వేసి నువ్వు రియాక్ట్ కావాలని ప్రయత్నించడం, చుట్టూ ఎవరూ లేనప్పుడు ఒంటరిగా కన్నీళ్లు పెట్టుకోవడం… ఆయన ఎప్పుడూ మనతోనే ఉన్నారు. ఓబు (తారకరత్న) నీవు తొందరగా వెల్లిపోయావు. మిస్ యూ సోమచ్’ అని అలేఖ్య చాలా ఎమోష‌న‌ల్ గా తన పోస్ట్‌లో పేర్కొంది.
తన భర్త అనారోగ్యానికి గురై చికిత్స పొందుతున్నప్పటినుంచి మృతి చెందాక కూడా బాలయ్య చేసిన సేవ‌లు అంతా ఇంతా కాదు.తారకరత్న చివరి రోజుల్లో నందమూరి బాలకృష్ణ పడిన తపన గురించి ప్రతి ఒక్కరికీ తెలుసు. నారాయణ హృదయాలయ హాస్పిటల్ లో 23 రోజుల పాటు తారకరత్నకు చికిత్స జరగగా.. ఆయన వెంటే ఉండి కొడుకును కాపాడుకునేందుకు అన్ని విధాలా ప్రయత్నం చేశారు బాలకృష్ణ. తారకరత్నను బతికించుకోవడానికి బాలయ్య బాబు చేయని ప్రయత్నమే లేదు. నందమూరి ఫ్యామిలీ అందరిలో ఆయనే స్పెషల్ కేర్ తీసుకున్నారు. కానీ చివరకు అందరినీ వదిలి తిరిగిరాని లోకాలకు వెళ్లిపోయారు తారకరత్న.
