Dhanush Sir Movie : కోలీవుడ్‌ స్టార్‌ హీరో ధనుష్ త‌న కెరీర్‌లో వైవిధ్య‌మైన చిత్రాలు చేసి ప్రేక్ష‌కుల‌కి మంచి వినోదాన్ని పంచుతున్న విష‌యం తెలిసిందే. తమిళ్‌లోనే కాకుండా తెలుగు, హిందీ భాషల్లోనూ ఆయనకు ఫ్యాన్స్ ఉన్నారు. ఆయన నటించిన ప్రతి తమిళ్ సినిమాను తెలుగులో డబ్ చేస్తుండటం వల్ల టాలీవుడ్‌లో కూడా ఆయనకు భారీ ఫ్యాన్ ఫాలోయింగ్ ఉంది. అయితే పాన్ ఇండియా స్టార్‌గా మారిన ధనుష్.. మొట్టమొదటిసారి తెలుగులో చేసిన స్ట్రెయిట్ చిత్రం ‘సార్’ . కార్పొరేట్ విద్యావవస్థపై ఒక సాధారణ యువకుడి పోరాటం నేపథ్యంలో తెరకెక్కిన సినిమాకు వెంకీ అట్లూరి అద్భుతంగా తెర‌కెక్కించారు. ఫిబ్రవరి 17న విడుదలైన ఈ చిత్రం టాలీవుడ్ కోలీవుడ్‌లో మంచి వసూళ్లు రాబట్టింది.
చిత్రంలో సంయుక్త మేనన్‌ హీరోయిన్‌గా యాక్ట్‌ చేసింది. స‌ముద్ర‌ఖ‌ని, హైప‌ర్ ఆది, తనికెళ్ళ భరణి కీల‌క పాత్ర‌ల్లో న‌టించారు. అక్కినేని సుమంత్ కూడా ముఖ్య పాత్రలో మెరిశాడు. జీవీ ప్రకాశ్ స్వరాలు సమకూర్చగా, శ్రీకర స్టూడియోస్ సమర్పణలో సితార ఎంటర్‌టైన్మెంట్స్, ఫార్ట్యూన్ ఫోర్ సినిమాస్ బ్యానర్ల పై ప్రతిష్ఠాత్మకంగా రూపొందిన సార్ సినిమా ధనుష్ కెరీర్‌లోనే బెస్ట్‌ ఓపెనింగ్స్‌ను తెచ్చుకుంది. చదువుకుందాం.. చదువు’కొన’కూడదు’ అని ధనుష్ చెప్పిన డైలాగులకు సినిమాలో విజిల్స్‌ పడ్డాయి. విద్యకు ఉన్న వ్యాల్యూ గురించి చర్చిస్తూనే మంచి మాస్‌, కమర్షియల్‌ ఎలిమెంట్స్‌కు చోటివ్వడంతో సార్ సినిమా మంచి ఆద‌ర‌ణ ద‌క్కించుకుంది.
సార్ చిత్రం రూ.100 కోట్లకు పైగానే వసూళ్లు రాబట్టింది. ఇలా థియేటర్లలో సూపర్‌హిట్‌ టాక్‌ సొంతం చేసుకున్న సార్ ఓటీటీ రిలీజ్‌ కోసం అందరూ ఆసక్తిగా ఎదురుచూస్తున్నారు. ఇప్పుడీ నిరీక్షణకు తెరపడింది. తమిళ్‌లో ‘వాతి’ పేరుతో విడుదలైన సార్ మూవీ.. ప్రముఖ ఓటీటీ ప్లాట్‌పామ్ నెట్‌ఫ్లిక్స్‌లో మార్చి 17 నుంచి స్ట్రీమింగ్ కానుంది. తెలుగు, తమిళ్ వెర్షన్స్ రెండు కూడా నెట్‌ఫ్లిక్స్ ప్లాట్‌ఫామ్‌లో ఒకేసారి స్ట్రీమింగ్‌కు అందుబాటులోకి వ‌స్తాయి.థియేట‌ర్‌లో మిస్స‌యిన వారు ఈ చిత్రాన్ని ఓటీటీలో చూసి ఫుల్‌గా ఎంజాయ్ చేయ‌వ‌చ్చు.
