Krishna And Krishnam Raju : 2022లో వ‌రుస విషాదాలు చోటు చేసుకుంటున్నాయి. 2022లో టాలీవుడ్‌లో ఒక్కక్కరుగా సినీ ప్రముఖులు కన్నుమూస్తున్నారు. రమేష్ బాబు, లతా మంగేష్కర్, బప్పీలహరి, కృష్ణంరాజు సహా పలువురు ప్రముఖులు కొద్ది గ్యాప్‌లో కన్నుమూసారు.నవంబర్ 15 తెల్ల‌వారుజామున సినీ చరిత్రలో సంచనాలు సృష్టించిన సూపర్‌స్టార్ కృష్ణ స్వ‌ర్గ‌స్తుల‌య్యారు.. నటుడిగా, దర్శకుడిగా, నిర్మాతగానే కాకుండా తెలుగు సినిమాకు సరికొత్త టెక్నాలజీని పరిచయం చేసిన కృష్ణ క‌న్నుమూసాడ‌ని తెలిసి కోట్లాది అభిమానులను శోకసంద్రంలో మునిగారు.
కృష్ణ‌కి సినీ, రాజ‌కీయ ప్రముఖులు నివాళులు అర్పించారు . స్వర్గీయ కృష్ణంరాజు భార్య ‘శ్యామలాదేవి’ కూడా కృష్ణ ఇంటికి వెళ్లి ఆయ న భౌతిక కాయానికి నివాళులు అర్పించింది. అనంత‌రం మీడియాతో మాట్లాడుతూ.. కృష్ణ గారు అంటే కృష్ణంరాజు గారికి అమితమైన ప్రేమ. ఇద్దరు ప్రాణస్నేహితులు. వీరిద్దరూ ఒకసారి సినీ ఇండస్ట్రీకి వచ్చారు. మరి వెళ్లిపోయేటప్పుడు కూడా కలిసి వెళ్ళిపోదాం అనుకున్నారేమో. మనందరికి ఇంతటి శోకాని మిగిల్చి ఇద్దరు ఒకేసారి వెళ్లిపోయారు” అంటూ వ్యాఖ్యానించారు.
సుల్తాన్ మూవీ షూటింగ్ సమయం నుంచి కృష్ణ గారితో నాకు పరిచయం ఉంది. ఆ మూవీ షూటింగ్ కోసం నెలరోజుల పాటు అండమాన్ దీవుల్లో ఉన్నాం. అప్పుడు మాకు విజ‌య నిర్మ‌ల‌గారు వంట చేసి పెట్టారు. కొన్ని నెలల క్రితం కృష్ణ గారి బర్త్ డే సందర్భంగా కృష్ణం రాజుగారు ఫోన్ చేసి, చేపల పులుసు వండి పెడతాను.. ఇంటికి వచ్చి భోజనం చేసి వెళ్లు అని అడిగారు. వారిద్దరి మధ్య అంత మంచి స్నేహం ఉంది అని శ్యామల దేవి పేర్కొన్నారు. సెప్టెంబర్ 11న కృష్ణంరాజు గారు అనారోగ్యంతో మృతి చెందగా, నవంబర్ 15న కృష్ణ కన్నుమూసారు. సూపర్ స్టార్ కృష్ణ ఎంతో మంది స్టార్ హీరోలతో స్క్రీన్ షేర్ చేసుకున్నారు. అందులో ఎన్టీఆర్, ఏఎన్నార్, కృష్ణంరాజు, శోభన్ బాబు, చిరంజీవి, బాలకృష్ణ సహా పలువురు స్టార్ హీరోలతో స్క్రీన్ షేర్ చేసుకున్నారు.
