సినిమాల్లో విలన్ అంటే పెద్ద బొట్టు, ఎరుపెక్కిన కళ్లు, బాడీ లాంగ్వేజ్ ఇలా ఎన్నో ఫీచర్లు ఉండేవి. అలా ప్రేక్షకుల్ని భయపెట్టే విలన్స్ లో రామిరెడ్డి పేరు బాగా పాపులర్ అయ్యింది. ఒక్క సినిమాలో విలన్ కు క్రేజ్ వచ్చిందంటే వరుస అవకాశాలు అందుకునేవారు. అలా రామిరెడ్డి ఎన్నో సినిమాల్లో నటించి తనకంటూ ఓ ప్రత్యేకమైన గుర్తింపును సంపాదించుకున్నాయన. ముఖ్యంగా ఆయన నటించిన పెద్దరికం, అనగనగా ఒకరోజు, రాములమ్మ, అమ్మోరు లాంటి సినిమాల్లో ఆయన విలనిజం ఓ రేంజ్ లో ఉంటుందని చెప్పొచ్చు. విలన్ పాత్రలో ఆయన పర్ఫార్మెన్స్ కు ఆడియన్స్ ఎంతలా తిట్టుకున్నారో ప్రత్యేకంగా చెప్పక్కర్లేదు. తెలుగోడు, జగద్గురు శ్రీ షిరిడి సాయిబాబా, వీడు మనవాడే లాంటి సినిమాలతో కూడా మంచి గుర్తింపు తెచ్చుకున్నారు.
ఏదైనా సినిమా సక్సెస్ ఫుల్ ఈవెంట్స్ లో రామిరెడ్డి కనిపించినా ఆడియన్స్ భయపడేవారని టాక్ కూడా ఉంది. అలాంటి నటుడిగా ఎంతో పేరు తెచ్చుకున్న రామిరెడ్డి 55 ఏళ్ల వయస్సులోనే మరణించారు. లివర్ కు సంబంధించిన వ్యాధితో 2011 లో తుది శ్వాస విడిచారు. నిజానికి ఈ వ్యాధికి గురైనప్పటి నుండి రామిరెడ్డి నరకం చూశారు. ఆయన శరీరం గుర్తుపట్టలేనంత సన్నగా అయిపోయింది. ఎంతోకాలంగా అనారోగ్యానికి గురయ్యారు. రామిరెడ్డి చిత్తూరు జిల్లాలో ఓబులంవారి పల్లెలో జన్మించారు. కాని చదువు అంతా హైదరాబాద్ లోనే సాగింది.
కెరీర్ స్టార్టింగ్ లో రామిరెడ్డి ఓ ఉర్దూ పత్రికలో జర్నలిస్ట్ గా వర్క్ చేశారు. ఆ తర్వాత ఆయనకు సినిమాలపై ఇంట్రెస్ట్ కలిగి ప్రొడ్యూసర్ల చుట్టూ తిరిగారు. సహా నటుడిగా ఎదగాలని మొదట ప్రయత్నాలు చేసిన రామిరెడ్డి ఆహార్యం చూసిన డైరెక్టర్లు ఆయన విలన్ పాత్రలకు సరిగ్గా సరిపోతారని సెలెక్ట్ చేశారట. అలా మొదటి సినిమాతోనే విలన్ గా మంచి గుర్తింపు తెచ్చుకున్నారు. ఆ తర్వాత నుండి ఎన్నో సినిమాల్లో విలన్ పాత్రల్లో నటించి మెప్పించారు. రామిరెడ్డికి ఇద్దరు కుమారులు, ఒక కుమార్తె ఉన్నారు.
