Bigg Boss : బుల్లితెర ప్రేక్ష‌కుల‌ని ఎంత‌గానో అల‌రిస్తున్న బిగ్ రియాలిటీ షో బిగ్ బాస్ కార్య‌క్ర‌మం తెలుగులో స‌క్సెస్ ఫుల్‌గా ఆరు సీజన్స్ పూర్తి చేసుకుంది. అక్కినేని నాగార్జున ప్ర‌స్తుతం బిగ్ బాస్ తెలుగు సీజన్ కు హోస్ట్ గా ఉన్న విషయం తెలిసిందే. మొదటి రెండు సీజన్స్ తర్వాత ఆయన కంటిన్యూ అవుతూ 6వ సీజన్ వరకు ఎంతో డిఫరెంట్ గా ఆడియన్స్ ను అట్రాక్ట్ చేసే ప్రయత్నం చేశారు. అయితే 6వ సీజన్ చివరి ఎపిసోడ్ లో నాగార్జున ప్రవర్తించిన తీరు మాత్రం అందరికీ కొంత ఆశ్చ‌ర్యాన్ని క‌లిగించ‌డంతో పాటు వచ్చే సీజ‌న్‌కి ఆయన రాడ‌నే హింట్ ఇచ్చిన‌ట్టు అయింది.
హీరోగానే కాదు హోస్ట్‌గాను నాగ్‌కి కొట్టిన పిండి. మీలో కోటీశ్వ‌రుడు షోని స‌క్సెస్ ఫుల్‌గా న‌డిపించ‌న నాగ్ ఆ తర్వాత బిగ్ బాస్ షోకి సీజన్ 3 నుండి హోస్ట్‌గా ఉన్నాడు. గత ఐదు సీజన్ల వరకు కూడా నాగార్జున బాగానే నిలదొక్కుకున్నాడు. మంచి రేటింగ్స్ కూడా వచ్చాయి. కానీ 6వ సీజన్కు వచ్చేసరికి మాత్రం బాస్ ప్లాన్ ఒక్కసారిగా రివర్స్ అయింది. ఏది పెద్ద‌గా వ‌ర్కవుట్ కాక‌పోవ‌డంతో రేటింగ్ దారుణంగా ప‌డిపోయింది. నాగార్జున వ‌చ్చిన రోజుల‌లో కూడా రేటింగ్ పెద్ద‌గా లేకుండా పోయింది. అయితే వచ్చే సీజన్ నుండి ఈ షోకి నాగ్ హోస్ట్ గా ఉండ‌డ‌ని కొన్నాళ్లనుండి వార్త‌లు వ‌స్తున్నాయి.
ఆదివారం ఫైనల్ ఎపిసోడ్లో నాగార్జున విన్నర్ ఎవరో ప్రకటిస్తూ సైలెంట్ గా గుడ్ నైట్ చెప్పేసాడు. అంతేగాని మళ్ళీ కలుద్దాం అని ఒక్క మాట కూడా అనలేదు. ఎందుకంటే ఆయన ఇంతకుముందు చేసిన సీజన్ అన్నిటి గురించి మాట్లాడి వచ్చే సీజన్ కు కలుద్దామని కూడా అనేవారు. కానీ ఈ సారి అన‌క‌పోవ‌డంతో ఆయన వచ్చే సీజ‌న్‌కి ఉండ‌డ‌ని అర్ధం అవుతుంది. ఇక నాగ్ స్థానంలో బాలయ్యని బరిలోకి దించాలని నిర్వాహ‌కులు ఆలోచిస్తున్నారట. మరి దీనికి బాలయ్య కూడా గ్రీన్ సిగ్నల్ ఇచ్చాడని గుసగుసలు కూడా వైరల్ అవుతున్నాయి. పక్కాగా హోస్ట్ అయితే మారబోతున్నాడని వినికిడి అయితే వినిపిస్తుండ‌గా, వచ్చే సీజ‌న్‌కి బాలయ్య వ‌స్తాడా లేకుంటే వేరే హీరో వ‌స్తాడా అన్న‌ది చూడాలి.
