Tamannaah : సినీ సెల‌బ్రిటీల‌కు సంబంధించి సోష‌ల్ మీడియాలో వచ్చే వార్తలు అన్నీ ఇన్నీ కావు. ప్రేమ, పెళ్లి, డేటింగ్‌కి సంబంధించి ఎన్నో పుకార్లు పుట్టిస్తుంటారు. తమన్నా పెళ్లికి సంబంధించి కొన్నాళ్లుగా తెగ ప్ర‌చారాలు న‌డుస్తున్నాయి. ఆ మ‌ధ్య బబ్లీ బౌన్సర్ సినిమా ప్రమోషన్స్ సమయంలో తమన్నాకు పెళ్లి ఫిక్స్ అయిందని వార్తలు వచ్చాయి. సినీ ఇండస్ట్రీకి చెందిన ఓ అబ్బాయిని తమన్నా వివాహమాడనుందని వార్తలు రాగా, ఆ పెళ్లి వార్తలపై బహిరంగంగా స్పందించింది తమన్నా భాటియా. అలాంటి వార్తల్లో ఎలాంటి నిజం లేదని తేల్చి చెప్పింది. కొద్ది రోజుల త‌ర్వాత ముంబైకి చెందిన ఓ ప్రముఖ వ్యాపారవేత్తతో వివాహ బంధానికి సిద్ధమైందని వార్తలు వచ్చాయి.
ముంబైకి చెందిన ఓ యంగ్ బిజినెస్ మ్యాన్ తో మిల్కీ బ్యూటి తమన్నా ఓకే చెప్పేసిందని.. త్వరలోనే అధికారిక ప్రకటన రానుందన్న వార్తలు తెగ షికారు చేస్తున్నాయి. ఇలా అడ‌పాద‌డ‌పా తమన్నా పెళ్లికి సంబంధించి ఏదో ఒక వార్త హ‌ల్‌చ‌ల్ చేస్తూనే ఉంది. తాజాగా దీనిపై క్లారిటీ ఇచ్చింది. నిజానికి సోష‌ల్ మీడియాలో కొంద‌రు నా పెళ్లిని ఎప్పుడో చేసేశారు. ఓసారి డాక్ట‌ర్ అన్నారు. ఇప్పుడు బిజినెస్ మ్యాన్ అని అంటున్నారు. అయితే అవ‌న్నీ నిజాలు మాత్రం కావు. నేను నిజంగా పెళ్లి చేసుకుంటే అంద‌రికీ చెప్పే చేసుకుంటాను. సాధార‌ణంగా అంద‌రి ఇళ్ల‌లో మాదిరిగానే మా ఇంట్లోనూ న‌న్ను పెళ్లి చేసుకోమ‌ని ప్రెష‌ర్ పెడుతున్నారు. పెళ్లి సంబంధాలు చూస్తున్నారు.
అయితే ఇంకా నేను ఇంకా ఏ నిర్ణ‌యం తీసుకోలేదు. నేను రూమ‌ర్స్‌ను ప‌ట్టించుకోను. సోష‌ల్ మీడియాలో వచ్చే న్యూస్‌ను ప‌ట్టించుకోను’’ అని తెలియజేసింది మిల్కీబ్యూటీ తమన్నా.డిసెంబ‌ర్ 9న ఈ అమ్మ‌డు గుర్తుందా శీతాకాలం సినిమాతో ప‌ల‌క‌రించ‌నుది. ఇంకా తను చేయబోతున్నమరో సినిమా భోళా శంకర్. ఈ సినిమా గురించి కూడా తాజాగా తమన్నా తెలియజేసింది. వచ్చే నెలలో సినిమా షూటింగ్‌లో పాల్గొనబోతున్నానని ఆమె తెలిపారు. ఇందులో మెగాస్టార్ చిరంజీవి హీరోగా నటిస్తున్నారు. మెహర్ రమేష్ దర్శకత్వం వహిస్తున్నారు.
