Yashoda Movie On Ott : టాలీవుడ్ స్టార్ హీరోయిన్ సమంత ప్రధాన పాత్రలో నటించిన సైంటిఫిక్ యాక్షన్ ఫిల్మ్ యశోద. నవంబర్ 11న ప్రేక్షకుల ముందుకు వచ్చిన ఈ సినిమా డీసెంట్ సూపర్ హిట్ అంటూ సోషల్ మీడియాలో కామెంట్స్ చేస్తున్నారు నెటిజన్స్. సరోగసి నేపథ్యంలో డైరెక్టర్స్ హరి, హరీష్ తెరకెక్కించిన ఈ మూవీలో సమంత గర్భవతిగా నటించింది. దాదాపు రూ. 40 కోట్ల బడ్జెట్తో శ్రీదేవి మూవీస్ బ్యానర్ పై ప్రముఖ నిర్మాత శివలెంక కృష్ణ ప్రసాద్ నిర్మించారు.
శుక్రవారం ప్రపంచవ్యాప్తంగా విడుదలైన ఈ చిత్రం పాజిటివ్ టాక్ సొంతం చేసుకుని థియేటర్లలో సక్సెస్ఫుల్గా రన్ అవుతుంది. ఇక ఈ మూవీ సక్సెస్‌ను హరి-హరీష్, సమంత అండ్‌ టీం ఫుల్ ఎంజాయ్ చేస్తోంది. యశోదను ఆదరిస్తున్న ప్రేక్షకులకు కృతజ్ఞతలు తెలియజేస్తోంది టీం. కాగా యశోద వచ్చే ఓటీటీ ఫ్లాట్ ఫాం ఫైనల్‌ అయినట్టు టాక్. యశోద డిజిటల్ స్ట్రీమింగ్ రైట్స్‌ ను అమెజాన్‌ ప్రైమ్‌ వీడియో దక్కించుకున్నట్టు టాలీవుడ్ సర్కిల్ సమాచారం. నిన్నే థియేటర్లలోకి గ్రాండ్ గా ఎంట్రీ ఇవ్వడంతో ఓటీటీలోకి వచ్చేందుకు ఇంకాస్త సమయం పడుతుంది.
8 వారాల లోపు ఓటీటీలో స్ట్రీమింగ్ కి సిద్ధం కానుంది. మరోవైపు డిసెంబర్ నుంచే ప్రసారం కానుందని అంటున్నారు. మరికొన్ని రోజుల్లో యశోద ఓటీటీలో కూడా సందడి చేయనుందన్నమాట. ఈ చిత్రానికి మణిశర్మ బ్యాక్‌ గ్రౌండ్‌ స్కోర్‌, సంగీతం అందించారు. ఈ మూవీలో రావు రమేశ్‌, వరలక్ష్మి శరత్‌ కుమార్‌, ఉన్ని ముకుందన్‌, మురళీ శర్మ, సంపత్‌ రాజ్‌ కీలకపాత్రలు పోషించారు. ప్రస్తుతం థియేటర్లలో యశోద హవా కొనసాగనుంది. అనేక చోట్ల సామ్ ఫ్యాన్స్ భారీ కటౌట్స్ తో సందడి చేస్తున్నారు. ఈ వీకెండ్స్ యశోద మూవీకి మంచి కలెక్షన్స్ వచ్చే అవకాశం ఉంది.
