Niharika Konidela : మెగా బ్ర‌ద‌ర్ నాగబాబు ముద్దుల త‌న‌య నిహారిక గురించి ప్ర‌త్యేక ప‌రిచ‌యాలు అక్క‌ర్లేదు. నటిగా ఇండస్ట్రీకి వచ్చిన నిహారిక.. తండ్రి నాగబాబు బాటలోనే నిర్మాతగా మారింది. ‘ఒక మనసు’ చిత్రంతో పరిచయమైన నిహారిక.. హీరోయిన్‌గా కొన్ని సినిమాలు చేసింది. తెలుగుతో పాటు తమిళంలోనూ నటించింది నిహారిక. అయితే నటిగా నిహారిక పెద్ద‌గా రాణించ‌లేక‌పోయింది. ఈ క్రమంలోనే ప్రస్తుతం ఓటీటీ రంగంలోకి కూడా అడుగు పెట్టింది ఈ బ్యూటీ. పెళ్లి తర్వాత నటనకు దూరంగా ఉంటున్న నిహారిక.. పింక్ ఎలిఫెంట్ పిక్చర్స్ బ్యానర్‌పై వెబ్ సిరీస్‌లని నిర్మించడంపైనే దృష్టి పెట్టింది.
ప్రముఖ ఓటీటీ ఫ్లాట్ ఫామ్ జీ 5 తో కలిసి నిహారిక ‘హలో వరల్డ్’ వెబ్ సిరీస్‌ని రూపొందించింది. పెళ్లి తర్వాత నిహారిక నిర్మించిన తొలి ప్రాజెక్ట్ ఇదే. దీనికి మంచి రెస్పాన్స్ రావడంతో వ‌రుస ప్రాజెక్ట్‌లు మొద‌లు పెట్టే ప్ర‌య‌త్నం చేస్తుంది. ఇక ఈ అమ్మ‌డు ప్రస్తుతం ఫారెన్ ట్రిప్‌లో బిజీగా ఉంది. అక్క‌డ పలు ప్ర‌దేశాల‌లో విహరిస్తూ అందాల ఆర‌బోత‌కు దిగింది. హోయలు పోతోంది. రకరకాల ప్లేస్ లలో.. ఫ్యాషన్ వేర్ లో నిహారిక ఫోటోస్ క‌నుల విందుగా ఉన్నాయి. నిహారికని ఇలా చూసి ప్ర‌తి ఒక్క‌రు త‌న్మ‌య‌త్వం చెందుతున్నారు.
పెళ్లి తర్వాత నిహారికలో చాలా మార్పులు వ‌చ్చాయి. ముఖ్యంగా తన వస్త్ర వేషధారణలో పలు మార్పులు రావడమే కాకుండా తాను చేసే పనిలో కూడా పలు మార్పులు రావడంతో అందరూ ఒక్కసారిగా షాక్ గురవుతున్నారు. ముఖ్యంగా గ్లామరస్ తరహాలో అందరినీ ఆకర్షిస్తోంది. ఇక నిహారిక పబ్ కేసులో దొరకడంతో చాలామంది మెగా కుటుంబం పైన ఎన్నో రకాలుగా ట్రోల్ చేయడం జరిగింది. ఆ స‌మ‌యంలో నిహారిక కొంత సైలెంట్ అయింది. కొద్ది రోజుల తర్వాత మ‌ళ్లీ సోష‌ల్ మీడియాలో యాక్టివ్ గా ఉంటూ రెచ్చిపోతుంది.
