ప్ర‌ముఖ త‌మిళ సీరియ‌ల్ నటి జ‌య‌ల‌క్ష్మీ గురించి ప్ర‌త్యేక ప‌రిచ‌యాలు అక్క‌ర్లేదు. మహాలక్ష్మి 2000లో సన్ మ్యూజిక్ ఛానెల్‌లో వ్యాఖ్యాతగా తన కెరీర్‌ను ప్రారంభించింది. ఆ తర్వాత మరింత మంది అభిమానులను సంపాదించుకుంది. ఇటీవల నిర్మాత రవీందర్ చంద్రశేఖరన్ ని వివాహం చేసుకున్న సంగతి తెలిసిందే. వీరి పెళ్లి వేడుక ఇటీవల తిరుపతిలో ఘనంగా జరగ‌గా, ఇది ఇద్ద‌రికి రెండవ వివాహమే. అయితే మహాలక్ష్మి, రవీందర్ వివాహం జరిగిన తర్వాత వీరిద్దరిపై ఎంత‌గా ట్రోల్ న‌డిచిందో ప్ర‌త్యేకంగా చెప్ప‌న‌క్క‌ర్లేదు. భారీ కాయుడు అయిన ర‌వీంద‌ర్‌ని ఆమె కేవలం డబ్బు కోస‌మే చేసుకుంద‌ని దారుణంగా ట్రోల్ చేశారు. అయిన‌ప్ప‌టికీ ఆ వార్త‌ల‌కి ధీటుగా స్పందించారు.
జ‌య‌ల‌క్ష్మీ గత 3 సంవత్సరాలలో ఆమె చెల్మే, ముంతనై ముడిచి, ఇరు మలర్, ఆవా వంటి అనేక సీరియల్స్‌లో నటించింది. కెరీర్ మధ్యలో అనిల్ నేరేడిమిల్లిని వివాహం చేసుకుంది. మహాలక్ష్మికి మొదటి వివాహంలో ఒక బిడ్డ కూడా పుట్టాడు. అయితే తన భర్త నటుడు ఈశ్వర్, మహాలక్ష్మి మధ్య ఎఫైర్ ఉందని నటి జయశ్రీ సంచలన వ్యాఖ్య‌లు చేసింది. తన భ‌ర్త‌తో మ‌హాల‌క్ష్మీకి ఎఫైర్ ఉందని అందుక‌నే ఆమె మొదటి భర్త వ‌దిలేశాడ‌ని జయశ్రీ సంచలన ఆరోపణలు చేసింది. నా ముందే నా భ‌ర్త‌తో ఆమె వీడియో కాల్స్ మాట్లాడేది. మహాలక్ష్మి కొడుకు నా భర్తని నాన్న అని పిలిచేవాడు అంటూ జయశ్రీ సంచలన ఆరోపణలు చేసింది.
అయితే జయశ్రీ వ్యాఖ్య‌ల‌పై స్పందించిన మ‌హాల‌క్ష్మీ వ్య‌క్తిగ‌త జీవ‌తంపై బుర‌ద జ‌ల్లేందుకు ఇలాంటి ఆరోపణలు చేస్తున్నారంటూ వాపోయింది. తాను కష్టాల్లో ఉన్న సమయంలో రవీందర్ అండగా నిలిచారు. ఆయన వ్యక్తిత్వం నాకు నచ్చింది కాబ‌ట్టే అత‌నిని వివాహం చేసుకున్నా అని మహాలక్ష్మి పేర్కొంది. తాను నెలకు 3 లక్షలు సంపాదిస్తున్నానని, డబ్బు సంపాదించేందుకు ఇంకా చాలా మార్గాలు అవలంబించవచ్చని మహాలక్ష్మి తెలిపింది. నెటిజన్లు ఎంత ట్రోల్ చేసినప్పటికీ, మహాలక్ష్మి తన భర్త రవీందర్ చంద్రశేఖర్‌తో దిగిన చిత్రాలను పంచుకోవడం ద్వారా తన ప్రేమను వ్యక్త ప‌రుస్తూనే ఉంది.
