Sobhita Dhulipala : శోభిత ధూళిపాళ్ల తెలుగు అమ్మాయిగా ఇండస్ట్రీలోకి అడుగుపెట్టింది. మేజర్, గూఢచారి చిత్రాల్లో నటించి అతి తక్కువ సమయంలోనే మంచి గుర్తింపు సంపాదించుకుంది. తాజాగా మణిరత్నం దర్శకత్వంలో వచ్చిన పొన్నియన్ సెల్వన్ సినిమాల్లో కూడా ఆమె కీలక పాత్రలో నటించింది. ఇలా పలు సినిమాల్లో నటిస్తూ అతి తక్కువ సమయంలోనే ఎంతో పేరు ప్రఖ్యాతలు సంపాదించుకున్న ఆమె పెళ్లి చేసుకున్నట్లు సోషల్ మీడియాలో వార్తలు వైరల్ అయ్యాయి. అయితే గత కొంతకాలంగా నాగచైతన్య శోభిత ప్రేమలో ఉన్నారని జోరుగా ప్రచారం జరుగుతుంది.
చైతన్య, శోభితలకు ఓ కామన్ ఫ్రెండ్ ఉన్నాడని ఆ వ్యక్తి పుట్టినరోజు వేడుకల్లో చైతన్య శోభిత కలిశారని సమాచారం. ఆ పరిచయం స్నేహంగా మారిందని తెలుస్తోంది. సమంత కూడా వీరి జంటను టార్గెట్ చేసి మాట్లాడిన కొన్ని మాటలు సోషల్ మీడియాలో ఆ మధ్య వైరల్ అయ్యాయి. అయితే ఈ వార్తలపై స్పందించిన శోభిత కూడా ఇంస్టాగ్రామ్ లో మిడిల్ ఫింగర్ చూపిస్తూ పోస్ట్ చేసింది. రూమర్స్ కి శోభిత కౌంటర్ అంటూ ప్రచారం జరిగింది. అయితే తాజాగా ఈమె పెళ్లి దుస్తుల్లో ఎంతో అందంగా ముస్తాబయి ఓ వ్యక్తి చేతిలో చేయి వేసి అందంగా ఉన్న ఫోటోలను సోషల్ మీడియా వేదికగా షేర్ చేసింది.
ఇలా శోభిత ఈ ఫోటోలను షేర్ చేస్తూ.. వెడ్డింగ్ ఇన్ దుబాయ్ అంటూ క్యాప్షన్ జోడించింది. శోభిత పెళ్లి గురించి ఏమాత్రం తెలియజేయకుండా ఇలా పెళ్లి చేసుకుని షాక్ ఇచ్చారంటూ అభిమానులు భావించారు. అయితే ఆమె నిజంగానే పెళ్లి చేసుకోలేదని ఓ పెళ్లికి సంబంధించిన యాడ్ షూట్ లో భాగంగా పెళ్లికూతురులా ముస్తాబయి ఫోటోలకు ఫోజులిచ్చారని తెలియడంతో ఆమె అభిమానులు ఊపిరి పీల్చుకున్నారు. పెళ్లయిపోయిందని తెలియగానే ఒక్కసారిగా నా గుండె ఆగినంత పైనయ్యింది అంటూ కామెంట్లు చేస్తున్నారు ఆమె ఫ్యాన్స్.
