యాపిల్ భామ హన్సిక గురించి ప్ర‌త్యేక ప‌రిచ‌యాలు అక్క‌ర్లేదు. బాలీవుడ్ నుంచి దక్షిణాది సినీ పరిశ్రమలో అడుగు పెట్టిన హన్సిక మోత్వాని మంచి మంచి సినిమాలు చేసి తెలుగు ప్రేక్ష‌కుల‌ని అల‌రించింది. టీవీ సీరియల్స్‌లో చైల్డ్ ఆర్టిస్ట్‌గా నటించడం ద్వారా తన కెరీర్‌ను ప్రారంభించిన హన్సిక మోత్వాని పెళ్లికి సిద్ధమైంది. ఈ ఏడాది డిసెంబర్‌లో జైపూర్ కోటలో వివాహం చేసుకోవడానికి సిద్ధంగా ఉంది. ఇప్పటికే ఈ మేరకు రాయల్ వెడ్డింగ్ కోసం సన్నాహాలు చేస్తున్నారు ఆమె తల్లిదండ్రులు. హన్సిక ఎవ‌రిని వివాహం చేసుకుంటుంద‌నే అనుమానం ఇన్నాళ్లు అభిమానుల‌లో ఉండ‌గా, రీసెంట్‌గా క్లారిటీ ఇచ్చింది.
తన సోషల్ మీడియాలో కాబోయే భ‌ర్త పేరు సోహెల్ ఖత్తూరియా అని ఆమె వెల్లడించింది.ఈ నేపథ్యంలోనే తన కాబోయే భర్తతో ఈఫీల్ టవర్ వద్ద రొమాంటిక్ ఫోజులో కలిసి దిగిన ఫోటోలను సోషల్ మీడియాలో షేర్ చేసింది ఐ లవ్ యు సోహెల్ ఖత్తూరియా. నౌ ఫర్ ఎవర్ అంటూ రాసుకు వచ్చింది.అయితే ఎప్పుడైతే హన్సిక త‌న‌కు కాబోయే భ‌ర్త ఫొటోలు షేర్ చేసిందో ఇక అప్ప‌టి నుండి సోహెల్ ఏం చేస్తాడు అన్న దాని గురించి సోషల్ మీడియాలో జోరుగా వార్తలు వినిపించడంతో అతనికి సంబంధించిన ఒక ఆసక్తికర వార్త చక్కర్లు కొడుతోంది.
సోహెల్ ఈయన ఓ పెద్ద బిజినెస్ మ్యాన్ అని, కోట్ల ఆస్తికి వార‌సుడు అట. ఇక ప‌డిపోయే బిజినెస్‌ని కూడా పైకి తేగ‌ల టాలెంట్ అత‌నిలో ఉంద‌ని అంటున్నారు. ముంబైలో ప్రముఖ వ్యాపారవేత్తగా ఈయనకి ఎంతో పేరు ప్రతిష్టలు ఉన్నాయి . డిసెంబర్ 4వ తేదీ జైపూర్ లోని పురాతన ప్యాలెస్ లో ఎంతో ఘనంగా వీళ్ళ పెళ్లి జరగనున్నట్లు తెలుస్తుంది. కాగా, దేశ ముదురు సినిమాతో టాలీవుడ్ ఎంట్రీ ఇచ్చిన హీరోయిన్ హన్సిక. బన్నీ సరసన హీరోయిన్‌గా నటించి మెప్పించింది.. తన యాక్టింగ్‌తో అందర్నీ కట్టి పడేసింది. రెండేండ్లుగా సినిమాకు గ్యాప్ ఇచ్చి..ఇప్పుడు మ‌ళ్లీ సినిమాలు చేస్తుంది. పెళ్లి త‌ర్వాత సినిమాల‌కు గుడ్ బై చెప్ప‌నుంద‌ని అంటున్నారు.
