Bavagaru Bagunnara : మెగాస్టార్ చిరంజీవి సూప‌ర్ హిట్ చిత్రాల‌లో బావ‌గారు బాగున్నారా చిత్రం ఒక‌టి. ఈ చిత్రం ఎంత పెద్ద హిట్ అయిందో ప్ర‌త్యేకంగా చెప్ప‌న‌క్క‌ర్లేదు. అంజనా ప్రొడక్షన్ బ్యానర్‌లో రూపొందిన ఈ సినిమాకి నాగబాబు నిర్మాతగా వ్య‌వ‌హ‌రించారు. నాగబాబు నిర్మాణంలో రూపొందిన సినిమాల‌లో ఇదొక్క‌టే మంచి విజ‌యం సాధించింది. పవన్ కళ్యాన్‌తో ఈ మెగాబ్రదర్ నిర్మించిన‘‘గుడుంబా శంకర్’’ కూడా అట్టర్ బాక్సాఫీస్ దగ్గర ఫ్లాపైంది. రామ్ చరణ్‌తో తీసిన ఆరెంజ్ కూడా ఈ రకంగానే డిజాస్టర్ లిస్టులో చేరింది. ఇక తాను హీరోగా నటిస్తూ.. నిర్మించిన ‘కౌరవుడు’ కూడా ఫ్లాప్ లిస్టులోనే చేరింది.
ఈ ర‌కంగా నాగబాబుకి బావ‌గారు బాగున్నారా చిత్రం ఎంతో స్పెష‌ల్ అనే చెప్పాలి. 1998వ సంవత్సరంలో ఏప్రిల్ 9న ఈ సినిమా విడుదల అయ్యింది. ఈ చిత్రానికి జయంత్ సి పరాన్జీ దర్శకత్వం వహించారు. సినిమాలో రంభ హీరోయిన్ గా నటించగా రెండవ హీరోయిన్ గా రచన నటించింది. మణిశర్మ అందించిన సంగీతం ఈ సినిమాకు ప్లస్ అయ్యింది.ఆయ‌న సంగీత సార‌థ్యంలో రూపొందిన ప్ర‌తిపాట‌కు మంచి రెస్పాన్స్ వ‌చ్చింది. బ్ర‌హ్మానందం కామెడీ కూడా క‌లిసొచ్చింది.మొత్తానికి అన్నీ క‌లిసి రావ‌డంతో బావ‌గారు బాగున్నారా చిత్రం సూప‌ర్ డూప‌ర్ హిట్ అయింది.
అయితే ద‌ర్శ‌కుడు జయంత్ ఈ సినిమా కోసం ముందు చిరంజీవిని కాకుండా పవన్ క‌ళ్యాణ్‌ని అనుకున్నార‌ట. అయితే ఆ స‌మ‌యంలో పవన్ కళ్యాణ్ వేరే ప్రాజెక్ట్స్‌తో బిజీగా ఉండ‌డం వ‌ల‌న ఈ సినిమాకి నో చెప్పార‌ట. దాంతో అదే క‌థ‌ని చిరంజీవి ముందు పెట్ట‌గా, ఆయ‌న ఒకే చేశారు. అలా చిరంజీవి ప్ర‌ధానపాత్ర‌లో బావ‌గారు బాగున్నారా సినిమా రూపొందింది. నాగబాబుకి మంచి లాభాలు తెచ్చిపెట్టింది.
