Anjanamma : సినిమా ఇండ‌స్ట్రీలో మెగా ఫ్యామిలీకి ప్ర‌త్యేక గుర్తింపు ఉంటుంది. చిరంజీవి అనే న‌ట వృక్షం నుండి ఎంతో మంది హీరోలు సినీ ప‌రిశ్ర‌మ‌కు పరిచయం కాగా, వారిలో అంద‌రు హీరోలు త‌మ‌కంటూ ప్ర‌త్యేక గుర్తింపు తెచ్చుకున్నారు. మెగా ఫ్యామిలీలో చిరంజీవి, పవన్ కళ్యాణ్ తోపాటు వరుణ్ తేజ్, రామ్ చరణ్, సాయి ధరమ్ తేజ్ లాంటి హీరోలు వైవిధ్య‌మైన సినిమాలు చేస్తూ అశేష ప్రేక్ష‌కాద‌ర‌ణ పొందారు. వీరి సినిమాలు రిలీజ్ అవుతున్నాయంటే అభిమానుల‌లో ఓ ర‌క‌మైన ఆస‌క్తి ఉంటుంది.
అయితే చిరంజీవి త‌ల్లి అంజ‌న‌మ్మ‌కి మెగా హీరోల సినిమాల క‌న్నా కూడా అక్కినేని సినిమాలంటే ఎక్కువ‌గా ఇష్ట‌ప‌డ‌తార‌ట. అక్కినేని నాగేశ్వ‌ర‌రావు ఎన్నో ప్రేమ కథా చిత్రాల‌లో న‌టించి లేడీ ఫ్యాన్స్‌ని సంపాదించుకున్నారు. అలా అంజ‌నాదేవి కూడా అక్కినేనికి పెద్ద ఫ్యాన్ అట. త‌న‌కు ఊహ తెలిసిన నాటి నుండి అక్కినేని న‌ట‌నని చాలా ఇష్ట‌ప‌డేద‌ట. ఇక చిరంజీవి ఎన్టీఆర్‌ని ఆదర్శంగా తీసుకునే సినిమాల్లోకి వచ్చారు. స్వ‌యంకృషితో మెగాస్టార్‌గా ఎదిగారు.
చిరు ఇండ‌స్ట్రీలో ఒక ప్ర‌త్యేక స్థానం ఏర్ప‌రుచుకున్న త‌ర్వాత పవన్ కళ్యాణ్, అల్లు అర్జున్, రామ్ చరణ్, సాయి ధరమ్ తేజ్, వరుణ్ తేజ్, వైష్ణ‌వ్ తేజ్ ఇలా ఒక్కొక్క‌రిని పరిచయం చేస్తూ వచ్చారు. ఈ ఫ్యామిలీ నుండి ఎంత మంది హీరోలు వ‌చ్చినా కూడా వారు స‌క్సెస్ అవుతుండ‌డం విశేషం. ఇక అమ్మ అంటే చిరంజీవికి చాలా ఇష్టం. ఇప్పటికీ ఎంత బిజీగా ఉన్నా కూడా కచ్చితంగా అమ్మతో చాలా టైమ్ స్పెండ్ చేస్తుంటారు. తన సినిమాలను కూడా తల్లితో కలిసి చూస్తుంటారు మెగాస్టార్. ఇక పవన్ కూడా తన త‌ల్లిని ఎంతో ఇష్ట‌ప‌డుతుంటారు. ఆంధ్రప్రదేశ్‌లో మరణించిన కౌలు రైతుల కుటుంబాలను ఆదుకునేందుకు ల‌క్ష రూపాయ‌ల‌ని విరాళంగా జ‌న‌సేన పార్టీ అధినేత ప‌వ‌న్‌కి అందించిన విష‌యం తెలిసిందే.
