Samantha : సమంత, నాగ చైతన్య విడాకులు ఎంత పెద్ద చ‌ర్చ‌నీయాంశంగా మారిందో మ‌నం చూశాం. అసలు వారి విడాకులు ఎందుకు అయ్యాయో ఎవ‌రికి అర్ధం కావ‌డం లేదు. ఇప్ప‌టికీ సమంత- నాగ చైతన్య విడాకుల గురించి చ‌ర్చ న‌డుస్తుంది. ఈ క్ర‌మంలో నాగ చైతన్య ఆగ‌స్ట్ 8న శోభిత దూళిపాళ్లతో ఎంగేజ్‌మెంట్ చేసుకున్నాడు. దాంతో ప‌లువురు ప‌లు ర‌కాల కామెంట్స్ చేస్తున్నారు.నాగ చైతన్యతో విడాకులు తీసుకున్న టైంలో సమంతను ఎంతగా ట్రోలింగ్ చేశారో.. ఆమె ఎంతగా విమర్శలు ఎదుర్కొందో ప్రత్యేకంగా చెప్పాల్సిన పని లేదు. అక్రమ సంబంధాలను అంటగట్టారు.. అబార్షన్ చేయించుకుందంటూ రూమర్లు సృష్టించారు.
పిల్లల్ని వద్దని చెప్పిందట.. అందుకే విడాకులు ఇచ్చారట.. అంటూ ఇలా ఇష్టమొచ్చిన రూమర్లను వ్యాప్తి చేశారు. అయితే అసలు నిజం ఇప్పుడు అందరికీ అర్థమై ఉంటుందని సమంత ఫ్యాన్స్ అంటున్నారు. శోభిత, నాగ చైతన్య ఎంగేజ్మెంట్‌ను సోషల్ మీడియాలో ఓ వర్గం తిట్టి పోస్తోంది. అయితే సమంత, నాగ చైతన్య డివోర్స్ నాడు ప్రీతమ్ఓ పోస్ట్ చేయ‌గా, అప్పుడు అది ఎవ్వరికీ అంతగా అర్థమై ఉండదు. స్లట్.. ఇక అతడు నీవాడే అని ప్రీతమ్ ఓ పోస్ట్ వేశాడు. ఆ తరువాత మరో పోస్ట్ కూడా వేశాడు. అబద్దాలు, సీక్రెట్లు ఉంచితే రిలేషన్ షిప్ అనేది ఎప్పుడూ నిలబడదు అంటూ ప్రీతమ్ మరో పోస్ట్ వేశాడు.
అయితే తాజాగా నెటిజన్లు నాడు ప్రీతమ్ వేసిన పోస్ట్‌లను మళ్లీ వెలికి తీస్తున్నారు. నాడు ప్రీతమ్ అలా ఎందుకు అన్నాడో నేడు అందరికీ అర్థమై ఉంటుందని ట్వీట్లు వేస్తున్నారు. సమంత విడాకుల కారణం ఇదే అని, శోభితతో నాగ చైతన్య రిలేషన్ తెలిసిన తరువాతే సమంత వేరు పడిందని అంటున్నారంతా. కానీ విడాకులు తీసుకున్న టైంలో సమంత మీదే విమర్శలు వచ్చాయి. నాగ చైతన్యనే అందరూ పాపం అని అన్నారు. కానీ అసలు నిజం ఇప్పుడు తెలిసిందని, నాగ చైతన్య వైపు నుంచే తప్పు జరిగి ఉంటుందని భావిస్తున్నారు. మొత్తానికి ప్రీతమ్ పోస్ట్ ప్ర‌కంప‌న‌లు రేపుతుంది.
