Anasuya : హాట్ బ్యూటీ అనసూయ ఎప్ప‌టిక‌ప్పుడు తన అంద‌చందాల‌తో కుర్రాళ్ల‌కి మ‌త్తెక్కిస్తుంటుంది. ఈ అమ్మ‌డు ఒక‌ప్పుడు యాంక‌ర్‌గా సందడి చేయ‌గా, ఇప్పుడు పూర్తి స్థాయి న‌టిగా మారింది. ఇక వీలున్న‌ప్పుడ‌ల్లా ఏదో ఒక కాంట్ర‌వ‌ర్షియ‌ల్ కామెంట్ చేస్తూ వార్త‌ల‌లో నిలుస్తూ ఉంటుంది. విజయ్ దేవరకొండ పేరు వినపడితే విరుచుకుపడిపోతుంది. అతని విమర్శిస్తూ పరోక్షంగా ఎన్నో పోస్టులు షేర్ చేసింది. విజయ్ అభిమానులు కూడా అదేరీతిలో అనసూయను ట్రోల్ చేశారు. అయినా వెనక్కి తగ్గేది లేదని తేల్చిచెబుతుంది. తాజాగా అనసూయ యానిమల్ దర్శకుడు సందీప్ రెడ్డి వంగామీద విరుచుకుపడింది.
యానిమల్ సినిమాలోని రెండు సన్నివేశాలను షేర్ చేసింది. మీది హిపోక్రసీ అయితే.. నన్ను హైపోక్రైట్ (కపటధారి) అంటారా? అని ప్రశ్నిస్తూ ఒక వీడియోను షేర్ చేసింది. యానిమల్ సినిమాలో హీరో రణబీర్ కపూర్ తన తండ్రి అనిల్ కపూర్ మీద అటాక్ ప్రణాళిక రూపొందించిన సొంత బావను చంపేస్తాడు. బావను తానే చంపేశానని అక్కకు చెబుతాడు. స్ట్రాంగ్ అండ్ యంగ్ ఉమన్ నువ్వు అని, ఇంకో పెళ్లి చేసుకోవాలని, నీకోసం అబ్బాయిని తానే వెతుకుతానని చెబుతాడు. ఇదే రణబీర్ కపూర్ తన భార్య రష్మికకు మాత్రం భిన్నమైన సలహా ఇస్తాడు. విలన్ తో యుద్ధానికి వెళుతూ తాను తిరిగివస్తానో రానో తెలియదని, ఒకవేళ రాకపోతే ఇంకో పెళ్లి మాత్రం చేసుకోవద్దని రష్మికకు చెబుతాడు.
ఈ రెండు వీడియోలను అనసూయ షేర్ చేస్తూ.. మగాళ్లు భార్య విషయంలో ఒకలా, సోదరి విషయంలో మరోలా ఆలోచిస్తారా? అని ప్రశ్నించింది. నన్ను హైపోక్రైట్ అంటారా అంటూ కామెంట్ చేసింది. అర్జున్ రెడ్డి సినిమాపై అనసూయ తీవ్ర వ్యతిరేకత వ్యక్తం చేయ‌గా, ఇప్పుడు యానిమల్ విషయంలో అనసూయ చేసిన కామెంట్స్ చ‌ర్చ‌నీయాంశంగా మారాయి. ఈ విషయంలో కొందరు అన‌సూయ‌ని స‌పోర్ట్ చేస్తుండ‌గా, ఎప్ప‌టి మాదిరిగానే మ‌రి కొందరు ఆమెని తెగ ట్రోల్ చేస్తున్నారు.
