YS Bharati : ఏపీలో రాజ‌కీయం వేడెక్కుతుంది. ఎవ‌రు ఈ సారి గెలుస్తారో చెప్ప‌డం చాలా క‌ష్టంగా మారింది. అయితే ఇప్పుడు ప‌లు రాజ‌కీయ పార్టీలు మేనిఫెస్టోలు ప్ర‌క‌టించి హాట్ టాపిక్‌గా మారాయి.వైసీపీ మేనిఫెస్టో సంబంధించిన వివరాలను ఆ పార్టీ అధినేత వైఎస్ జగన్ వెల్లడించారు. అమ్మఒడి, వైఎస్ఆర్ రైతు భరోసా కింద నగదును పెంచుతున్నట్లు ప్రకటించారు. మూడు రాజధానులపై జగన్ కీలక ప్రకటన చేశారు. మేనిఫెస్టోకు కావాల్సిన గుర్తింపును ఇచ్చామని చెప్పారు. నవరత్నాల పాలనకు మేనిఫెస్టో అద్దంపట్టిందన్నారు. నవరత్నాల కింద 2 లక్షల 70వేల కోట్ల రూపాయలను డీబీటీల ద్వారా లబ్ధిదారుల ఖాతాల్లో జమ చేశామని చెప్పారు. ఇది ఒక చరిత్ర అని జగన్ చెప్పుకొచ్చారు.
2024 ఎన్నికలకు సంబంధించి రెండు పేజీలతో వైసీపీ మేనిఫెస్టోను విడుదల చేసింది. విద్య, వైద్యం,వ్యవసాయానికి ప్రాధ్యానత ఇస్తూ మేనిఫెస్టో రూపకల్పన చేశారు. మహిళలు, అక్క చెల్లెమ్మలకు వైఎస్ఆర్ చేయూత స్కీమ్ కింద గతంలో రూ. 75 వేలుగా ఉండేది. ఈసారి కూడా ఈ స్కీమ్ ను కంటిన్యూ చేస్తామని జగన్ తెలిపారు. వైఎస్ఆర్ కాపు నేస్తం కింద మరో నాలుగు ధపాల కింద డబ్బులు ఇస్తాం. వైఎస్ఆర్ ఈబీసీ నేస్తం కింద మూడు దఫాలు ఇచ్చాం. మళ్లీ అధికారంలోకి వస్తే.. ఈ స్కీమ్ ను కంటిన్యూ చేస్తాం. జగనన్న అమ్మఒడి కింద రూ. 15 వేలు ఉండేది. ఈసారి రూ. 17 వేలకు పెంచుతామని ప్రకటన సున్నా వడ్డీ కింద రుణాల మాఫీ స్కీమ్ కొనసాగుతుంది. వైఎస్ఆర్ కల్యాణమస్తు, షాదీ ముబారక్ స్కీమ్ ను కొనసాగిస్తామని జగన్ తెలిపారు. పేదలకు ఇళ్ల పట్టాల పంపిణీ స్కీమ్ కొనసాగింపు ఉంటుంది. లారీడ్రైవర్లకు కూడా వాహనమిత్ర – రూ. 10 లక్షల వరకు ప్రమాద బీమా. వైఎస్ఆర్ లా నేస్తం కొనసాగింపు ఉంటుంది.
అయితే వైసీపీ మేనిఫెస్టోపై భార‌తి తొలిసారి స్పందించింది. జగన్ సార్ చేస్తాడంటే చేస్తాడు. ప్ర‌జ‌లు సంతోషంగా ఉన్నారు. పులివెందుల నా బ‌లం. న‌న్ను నిల‌బెట్టింది పులివెందుల అన్నారు. ఆయ‌న త‌ప్ప‌క గెలుస్తారు. పులివెందుల రాజ‌కీయం ఎలా ఉంటుంది, అని భార‌తిని అడ‌డ‌గా దానికి మీరే స‌మాధానం చెప్పాలి అని భార‌తి అన‌డంతో ప‌క్క‌న ఉన్న‌వారు గోల‌లు చేశారు.
