సినిమాల‌తో పాటు సేవా కార్య‌క్ర‌మాల‌తోనూ ఎంతో మంది ప్రేక్ష‌కుల మ‌న‌సుల్లో చెర‌గ‌ని ముద్ర వేసుకున్నారు పవన్ కళ్యాణ్. ఆయన పేరు చెబితే అభిమానుల‌కి పూన‌కాలు రావ‌డం గ్యారెంటీ. టాలీవుడ్ స్టార్ హీరోగా ఎదిగిన పవన్ చాలా సింపుల్‌గా ఉండ‌డానికి ఇష్ట‌ప‌డుతుంటారు. అందుకే ఆయ‌న‌ని చాలా మంది ప్రేమిస్తూ ఉంటారు. పవన్ కళ్యాణ్ తన బ‌ర్త్ డే వేడుక‌ల‌ని కూడా చాలా సాదా సీదాగా జ‌రుపుకున్నారు. అయితే అభిమానులు, కుటుంబ స‌భ్యులు, స‌న్నిహితులు మాత్రం పవన్ బ‌ర్త్ డే వేడుక‌ల‌ని అట్ట‌హాసంగా సెల‌బ్రేట్ చేశారు.
ఇక పవన్ పుట్టినరోజు సందర్భంగా నాగబాబు మీడియాతో ఇంటరాక్ట్ అయ్యారు. పవన్ కళ్యాణ్ గురించి సుదీర్ఘంగా మాట్లాడారు. ఆంధ్రప్రదేశ్‌కు పవన్ కల్యాణ్‌ను ముఖ్యమంత్రిగా చూడడమే నా లక్ష్యం. యుద్ధం మొదలుపెట్టాడు, వెనక్కి తగ్గేది లేదు. ఆయనను ముఖ్యమంత్రిగా చూసేందుకు నా సర్వస్వం ధార‌బోస్తాను.. అని నాగబాబు అన్నారు. పవన్ కళ్యాణ్ ఎప్పుడూ డబ్బుని కూడ‌బెట్ట‌డు. టాలీవుడ్‌లో అత్యధిక పారితోషికం తీసుకుంటున్న హీరో అతడే అయినా తన డబ్బును పొదుపు చేసి పెట్టుబడి పెట్టాలనే ఉద్దేశం అతనికి లేదు. పార్టీ లేదా ప్రజా సేవ కోసం తన డబ్బు మొత్తాన్ని ఖర్చు చేస్తాడు.
పవన్ కళ్యాణ్ ఎక్కువ భాగం డబ్బుని సేవా కార్య‌క్ర‌మాల‌కే వినియోగిస్తాడు. చాలా సంవ‌త్స‌రాల క్రితం శంకరపల్లిలో 8 ఎకరాల భూమిని కొనుగోలు చేయ‌గా రియల్ ఎస్టేట్ అభివృద్ధి కారణంగా ఇది ఇప్పుడు బంగారంగా మారింద‌ని మెగా బ్రదర్ నాగబాబు అభిప్రాయ‌ప‌డ్డారు. ఇందులో పవన్ ఫామ్ హౌజ్ నిర్మించుకోనున్న‌ట్టు తెలుస్తోంది. ఖాళీగా ఉంటే పవన్ కళ్యాణ్ ఫామ్ హౌస్ కే పరిమితమవుతారు. ప్రశాంత వాతావరణంలో వ్యవసాయం చేయడం, పశువుల పోషణ చూసుకోవడం ఆయనకు ఇష్టమైన చర్య. ఈ కార్యక్రమాలన్నీ ఆయన తన ఫామ్ హౌస్ లో నిర్వహిస్తూ ఉంటారు. అలాగే ఫామ్ హౌస్ లో పండిన ఆర్గానిక్ పండ్లు ఇష్టమైన వారికి పంపడం పవన్ కున్న మరొక అలవాటు.
