రౌడీ హీరో విజ‌య్ దేవ‌ర‌కొండ, డేరింగ్ అండ్ డాషింగ్ డైరెక్ట‌ర్ పూరీ జ‌గ‌న్నాథ్‌ల కాంబినేష‌న్‌లో వ‌చ్చిన లైగర్ మూవీ ఎంత‌టి ఘోర ప‌రాభ‌వాన్ని మూట‌గట్టుకుందో అంద‌రికీ తెలిసిందే. సినిమా వీరిద్ద‌రి కెరీర్‌లోనూ అత్యంత చెత్త సినిమాగా రికార్డులకెక్కింది. ఈ క్ర‌మంలోనే విడుదలకు ముందు వీరు చేసిన అతి వ‌ల్ల ఇప్పుడు నెటిజ‌న్లు వీరిని ఒక రేంజ్‌లో ఆడుకుంటున్నారు. ఇంత‌టి సినిమాకే అంత బిల్డింగ్ ఎందుకు ఇచ్చిన‌ట్లు.. అని ప్ర‌శ్నిస్తున్నారు. అయితే సినిమా ఫ్లాప్ అయింది క‌నుక త్వ‌ర‌లోనే ఓటీటీలోకి వ‌స్తుంద‌ని తెలుస్తోంది.
లైగర్ డిజిట‌ల్ హ‌క్కును ఇప్ప‌టికే డిస్నీ ప్ల‌స్ హాట్ స్టార్ వారు సొంతం చేసుకున్నారు. దీంతో అదే యాప్‌లో ఈ మూవీ రిలీజ్ కానుంది. అయితే సినిమా హిట్ అయి ఉంటే ప్ర‌స్తుతం ఉన్న నిబంధ‌న‌ల ప్ర‌కారం 50 రోజుల త‌రువాతే ఓటీటీలోకి వ‌చ్చేది. కానీ ఫ్లాప్ అయింది క‌నుక మ‌రో 3 వారాల్లోనే సినిమాను ఓటీటీలో రిలీజ్ చేసే అవ‌కాశం ఉంద‌ని అంటున్నారు. అయితే లైగర్ ఓటీటీ రిలీజ్ డేట్‌పై త్వ‌ర‌లోనే ఒక తేదీని వెల్ల‌డించ‌నున్న‌ట్లు తెలుస్తోంది.
ఇక లైగర్ మూవీ విడుదలకు ముందు రూ.90 కోట్ల మేర ప్రీ రిలీజ్ బిజినెస్ చేయ‌గా.. అందులో రూ.45 కోట్లు అయినా కలెక్ట్ చేస్తుందా.. అని అనుమానాలు వ‌స్తున్నాయి. ఈ క్ర‌మంలోనే అట్ట‌ర్‌ఫ్లాప్ వ‌ల్ల నిర్మాత పూరీకి తీవ్ర‌మైన న‌ష్టం వ‌చ్చిందని అంటున్నారు. మ‌రోవైపు ఇందులో చార్మి కూడా నిర్మాణ భాగ‌స్వామిగా ఉంది. క‌నుక ఆమెకు కూడా తీవ్రంగా న‌ష్ట‌మే వాటిల్లింద‌ని అంటున్నారు. ఇక మ‌రో 3 రోజులు గ‌డిస్తేనే కానీ.. సినిమా అస‌లు లెక్క‌లు బ‌య‌ట‌కు రావు. అప్ప‌టి వ‌ర‌కు వేచి చూడాల్సిందే.
