Venkatesh : జ‌నసేనాని పవన్ క‌ళ్యాణ్ ప్ర‌స్తుతం సినిమాల‌తో పాటు రాజ‌కీయాల‌తో బిజీగా ఉన్న విష‌యం తెలిసిందే. ఆయన రాజ‌కీయాల‌లోకి వ‌చ్చిన‌ప్ప‌టి నుండి ప్ర‌త్య‌ర్ధులు దుమ్మెత్తిపోస్తున్నారు. వైసీపీకి చెందిన నాయ‌కులు రోజా, కొడాలి నాని, పేర్ని నాని వంటి వారు ప‌వ‌న్‌ని తిడుతున్నారు. అయితే ప‌వ‌న్‌కి కొంద‌రు స‌పోర్ట్ చేస్తుండ‌గా, అందులో సినీ ప్ర‌ముఖులతో పాటు రాజ‌కీయ నాయ‌కులు కూడా ఉన్నారు. రీసెంట్‌గా ప‌వ‌న్‌కి వెంకటేష్ కూడా త‌నవంతు స‌పోర్ట్ అందించారు. సైంధవ్` చిత్రంలో నటించిన నేపథ్యంలో ఈ చిత్ర ప్రమోషన్స్ లో భాగంగా `రాంగ్‌ యూసేజ్‌` అనే పాటని విడుదల చేశారు.
వీఎన్‌ఆర్‌, వీజేఐఈటీ కాలేజ్‌లో ఈ పాట విడుదల కార్యక్రమం జరిగింది. ఇందులో వెంకటేష్ పాల్గొన్నారు. ఆయన మాట్లాడే ముందు పలు సరదా సన్నివేశాలు చోటు చేసుకున్నాయి. వెంకటేష్ మాట్లాడేందుకు స్టేజ్‌పైకి రావడంతో స్టూడెంట్స్ అంతా హోరెత్తించారు. దీనికితోడు వెంకీ సైతం వారిలో జోష్‌ నింపేలా మాట్లాడారు. ఇటీవల నేను నటించిన `ఆడవారి మాటలకు అర్థాలే వేరులే`, `సీతమ్మ వాకిట్లో సిరిమల్లె చెట్టు` చూసి ఉంటారు, ఎందుకంటే అందులో మహేష్‌ ఉన్నాడు కాబట్టి, అలాగే `గోపాల గోపాల` చూసి ఉంటారని ఎందుకంటే అందులో పవన్ ఉన్నాడు కాబట్టి అంటూ స్టూడెంట్స్ ని హోరెత్తించేలా మాట్లాడారు వెంకీ. ఇతర హీరోలపై ప్రశంసలు కురిపిస్తూ వారిని ఆకట్టుకునే ప్రయత్నం చేశారు.
అందుకే మీరంటే ఇష్టం మాకు అని వారి చేత అనిపించుకున్నాడు వెంకీ. అంతేకాదు ఆయన స్టేజ్‌పై డాన్సులు చేస్తూ ఉర్రూతలూగించారు. మొత్తానికి పవన్ అంటే త‌న‌కి ఇష్ట‌మ‌ని ఆయన స‌పోర్ట్ ఉంటుంద‌న్న‌ట్టు మాట్లాడారు. ఇక సైంధవ్ చిత్రంలో యాక్షన్‌ నెక్ట్స్ లెవల్‌లో ఉంటుందని, వాహ్‌ అనిపించే యాక్షన్‌ ఎలిమెంట్స్, సెంటిమెంట్‌, ఫ్యామిలీ ఎమోషన్స్ ఉంటాయని చెప్పారు. మంచి కాన్సెప్ట్ ని ఈ చిత్రంలో చూపించబోతున్నట్టు తెలిపారు. అయితే ఈ సందర్భంగా స్టూడెంట్స్ ని టీజ్‌ చేశాడు వెంకీ. తన మొదటి సినిమా విడుదలైనప్పుడు మీరు ఇంకా పుట్టనే లేదని, అప్పుడు మీ పేరెంట్స్ ఉన్నారని, వాళ్లు అదరించారని, ఇప్పుడు మీరు కూడా నా సినిమాలు చూస్తున్నారని తెలిపారు.
https://youtube.com/watch?v=iUc1DH34ZfE
