Nara Brahmani : స్కిల్ డెవలప్మెంట్ కార్పొరేషన్ కుంభకోణంలో అరెస్టయిన తెలుగుదేశం పార్టీ అధినేత, ప్రతిపక్ష నాయకుడు చంద్రబాబు నాయుడు.. ప్రస్తుతం రాజమండ్రి సెంట్రల్ జైలులో విచారణను ఎదుర్కొంటోన్నారు. అక్టోబ‌ర్ 5 వ‌ర‌కు బాబు రిమాండ్‌లో ఉంటున్న‌ట్టు వార్త‌లు వ‌స్తున్నాయి. బాబు అరెస్ట్ తర్వాత టీడీపీకి ఆల్ట‌ర్‌నేటివ్ అనేది ఎవ‌రు అని సందేహాలు నెల‌కొన్నాయి. ఆ సమయంలో బ్రాహ్మణి తాను ఉన్నాన‌ని ముందుకొచ్చి ఇప్పుడు టీడీపీకి చాలా అండ‌గా ఉంది. ప్రస్తుతం చంద్రబాబు కుటుంబం రాజమండ్రిలో తాత్కాలికంగా నివాసం ఉంటోంది. ప్రస్తుతం బ్రాహ్మణి అక్కడే నివసిస్తోన్నారు.
ఆమె జనసేన తూర్పు గోదావరి జిల్లా నేతలని క‌ల‌వ‌డం, అలానే చంద్రబాబు నిర‌స‌న‌ని ఖండిస్తున్న వారిని క‌లిసి ప‌లు విష‌యాలు అడిగి తెలుసుకుంటుంది. చంద్రబాబు నాయుడు అరెస్టును నిరసిస్తూ.. టీడీపీ శ్రేణులు ఆందోళన కొనసాగిస్తుండగా మరోవైపు పార్టీలు, ప్రాంతాలకతీతంగా మద్దతు వెల్లువెత్తుతోంది. హైదరాబాద్, బెంగళూరులో ఐటీ ఉద్యోగులు ఇప్పటికే నిరసన తెలపగా, ప‌లు చోట్ల కూడా నిర‌స‌న‌లు తెలియ‌జేస్తున్నారు. రీసెంట్‌గా బ్రాహ్మణి నిరసన తెలియజేస్తున్న సాఫ్ట్ వేర్ ఉద్యోగుల‌ని క‌లిసింది. ఆ సమయంలో కొంద‌రు ప‌వ‌న్ క‌ళ్యాణ్‌ని సీఎం సీట్లో కూర్చోపెట్టి అయిన జ‌గ‌న్‌ని త‌రిమి కొట్టాల‌ని అన్నారు. అయితే ప‌వ‌న్‌ని సీఎంగా చేయాల‌ని వారు అన‌డంతో బ్రాహ్మణి ఫేస్ ఒక్క‌సారిగా మాడిపోయిన‌ట్టు అయింది.
ప్రస్తుతం రెండు తెలుగు రాష్ట్రాల్లో నారా బ్రాహ్మణి పేరు మారుమ్రోగుతున్న సంగతి తెలిసిందే.నారా బ్రాహ్మణి రాజకీయాల్లో యాక్టివ్ కానున్నారని ప్రజల్లోకి వస్తారని ప్రచారం జరుగుతోంది. బిజినెస్ ఉమెన్ గా ఊహించని స్థాయిలో పాపులారిటీని సంపాదించుకున్న బ్రాహ్మణి ప్రజల్లోకి నిజంగానే వస్తారో లేదో తెలియాల్సి ఉంది.అయితే బ్రాహ్మణి తెలుగు భాషను అనర్గళంగా మాట్లాడలేరని తెలుస్తోంది. భారతదేశానికి ఐటీని తెచ్చింది చంద్రబాబేనని చంద్రబాబు అరెస్ట్ అయిన తర్వాత బ్రాహ్మణి చేసిన కామెంట్లు హాట్ టాపిక్ అయ్యాయి. ఎన్టీఆర్ మనవరాలిగా, చంద్రబాబు కోడలిగా, ఏ అంశం గురించి అయినా ఇంగ్లీష్ లో అద్భుతంగా మాట్లాడే మహిళగా బ్రాహ్మణికి గుర్తింపు ఉంది.
