Minister Mallareddy : చంద్రబాబు అరెస్ట్‌పై ఏపీలో రాజకీయ ర‌చ్చ జ‌రుగుతుంది. ఒక‌రిపై ఒక‌రు దారుణ‌మైన విమ‌ర్శ‌లు చేసుకుంటున్నారు. చంద్రబాబు అరెస్ట్‌ని దారుణంగా ఖండిస్తున్నారు. తెలంగాణ‌లోను చంద్రబాబు అరెస్ట్‌పై కొంద‌రు ఫైర్ అవుతున్నారు. .ఏపీ సీఎం జగన్ రాజకీయ కక్షతో చంద్రబాబును అరెస్టు చేయించారని మండిపడ్డారు. బాబు అరెస్టు వెనుక బీజేపీ హస్తముందని ఆరోపించారు మంత్రి మల్లారెడ్డి. ఇది వైసీపీ, బీజేపీ కలిసి చేసిన కుట్ర అని వ్యాఖ్యలు చేశారు. కేంద్రానికి తెలియకుండా మాజీ ముఖ్యమంత్రి అరెస్టు చేస్తారా? అని ప్రశ్నించారు. ఎఫ్ఐఆర్ లో పేరు లేకుండానే అరెస్ట్ చేయడం అన్యాయమన్నారు. స్కిల్ డెవలప్మెంట్‌లో చంద్రబాబు ఎలాంటి తప్పు చేయలేదన్నారు.
బాబు కోసం ఐటి ఉద్యోగులు చేస్తున్న ఆందోళనకు తన మద్దతు తెలియజేశారు. చంద్రబాబు అరెస్ట్, అన్యాయం హేయమైన చర్య అని మంత్రి మల్లారెడ్డి వ్యాఖ్యలు చేశారు. కేంద్ర ప్రభుత్వానికి ఏమాత్రం తెలియకుండానే ఓ రాష్ట్ర మాజీ ముఖ్యమంత్రిని అరెస్టు చేస్తారా? అంటూ మంత్రి మల్లారెడ్డి ప్రశ్నించారు. ఎ చంద్రబాబు అరెస్ట్.. అన్యాయమని, హేయమైన చర్య అంటూ మంత్రి మల్లారెడ్డి పేర్కొన్నారు. మల్లారెడ్డి గతంలో టీడీపీ నాయకుడిగా ఉన్నారు. మల్లారెడ్డి మాత్రమే కాదు.. బీఆర్ఎస్‌లో ఉన్న చాలా మంది నేతలు మొదట తెలుగు తమ్ముళ్లే కావటంతో.. చంద్రబాబు అరెస్టును ఖండిస్తూ తమ గళాన్ని వినిపిస్తున్నారు. ఎల్బీనగర్ ఎమ్మెల్యే సుధీర్ రెడ్డి అయితే.. ఏకంగా చంద్రబాబు అరెస్టును నిరసిస్తూ ర్యాలీ నిర్వహించారు.
ఇక ఇదిలా ఉంటే ఇటీవల రేవంత్ రెడ్డి .. చంద్రబాబు అరెస్ట్‌పై స్పందించేందుకు పెద్ద‌గా ఆస‌క్తి చూప‌లేదు. బీఆర్ఎస్ కార్యనిర్వహాక అధ్యక్షుడు కేటీఆర్ మాత్రం.. చంద్రబాబు అరెస్టుతో తమకు ఎలాంటి సంబంధం లేదంటూ తోసిపుచ్చారు. అది వాళ్ల తలనొప్పి అంటూ కేటీఆర్ దాటేశారు. ఇక సీఎం కేసీఆర్ మాత్రం.. ఏపీలో జరిగే పరిణామాలపై ఎప్పటికప్పుడు అప్డేట్స్ తెలుసుకుంటున్నట్టు సమాచారం.
