Roja : మెగా ఫ్యామిలీ హీరోగా ఇండ‌స్ట్రీకి వ‌చ్చి అంచెలంచెలుగా ఎదుగుతున్న హీరో అల్లు అర్జున్. వైవిధ్య‌మైన ప్రాజెక్టులు ఎంపిక చేసుకుంటూ పాన్ ఇండియా స్టార్‌గా మారాడు. పుష్ప సినిమాతో బన్నీ తన న‌ట విశ్వరూపం చూపించాడు. ప్రస్తుతం సుకుమార్‌ డైరెక్షన్‌లో రాబోతున్న ప్రాంచైజీ ప్రాజెక్ట్ పుష్ప.. ది రూల్ షూటింగ్‌తో బిజీగా ఉన్నాడు. అయితే బ‌న్నీకి వీరాభిమానులు ఉన్న విష‌యం తెలిసిందే. వారందరిని మంచి ప‌నులు చేసే విధంగా ప్రోత్స‌హిస్తూ ఉంటాడు. ఇటీవ‌ల ప్రపంచ పర్యావరణ దినోత్సవాన్ని పురస్కరించుకొని మొక్క నాటాడు బన్నీ. మొక్క నాటి నీరు పోస్తున్నప్పుడు దిగిన ఫొటోను సోషల్ మీడియాలో షేర్ చేస్తూ.. తన అభిమానులు పర్యావరణాన్ని, భూమిని రక్షించేందుకు మొక్కలు నాటాలని విజ్ఞప్తి చేశాడు. దాంతో చాలా మంది కూడా మొక్కలు నాటారు.
ఇక ఆ మ‌ధ్య హిందూపురంలో బన్నీ అభిమానులు స్వ‌చ్చందంగా మంచి పని చేశారు. బన్నీ చెప్ప‌కుండానే వారు ఒక అంబులెన్స్ ని ఏర్పాటు చేశారు. అవ‌స‌రంలో ఉన్న వారికి ఫ్రీగా స‌ర్వీస్ అందిస్తామ‌ని వారు అన్నారు. బన్నీ అభిమానులు చేసిన ఈ మంచి ప‌నికి ఆయ‌నతో పాటు అభిమానుల‌ని ప్ర‌శంసించారు. వైసీపీ మంత్రి రోజా కూడా ప్ర‌శంస‌లు కురిపించింది. బన్నీ లాంటి హీరో సినిమా ఇండ‌స్ట్రీలో ఉండ‌డం మా అదృష్టం అని ఆమె చెప్పుకొచ్చింది. ఏదేమైన బన్నీ రీల్ హీరోగానే కాదు రియ‌ల్ హీరోగాను మంచి పేరు ప్ర‌ఖ్యాత‌లు సంపాదించుకుంటున్నాడు.
అల్లు అర్జున్ ప్రస్తుతం సినిమాలు చేస్తూనే ఓటిటి లో కూడా ఏదో ప్లాన్ చేస్తున్నారు. ఇక ఇదిలా ఉండగా అల్లు అర్జున్ కి అయితే ఇప్పుడు కాదు ఎప్పుడు నుంచో కూడా ఓ రేంజ్ లో సోషల్ మీడియాలో బన్నీ కి భారీ ఫాలోయింగ్ ఉంది. దాదాపు ఓ దశాబ్ద కాలం కితం నుంచే మిలియన్స్ కొద్దీ ఫాలోవర్స్ ని సొంతం చేసుకున్న బన్నీ ఇప్పుడు అయితే సోషల్ మీడియాలో మరింత ఫాలోయింగ్ ని పెంచుకుంటున్నాడు. రీసెంట్‌గా అయితే ఏకంగా 50 మిలియన్ ఫాలోవర్స్ ని సొంతం చేసుకొని సౌత్ ఇండియా సినిమా దగ్గర ఏ సెలెబ్రెటీ కి కూడా లేని విధంగా భారీ నెంబర్ ఇప్పుడు బన్నీ సొంతం అయ్యింది. దీనితో సోషల్ మీడియా కింగ్ అల్లు అర్జున్ అనే మాట మరోసారి తాను ప్రూవ్ చేసుకున్నాడని అభిమానులు అంటున్నారు.
