Bandla Ganesh : బండ్ల గణేష్ క‌మెడీయ‌న్‌గా, నిర్మాత‌గా ఇండ‌స్ట్రీలో మంచి పేరు తెచ్చుకున్నాడు. మ‌ధ్య‌లో రాజ‌కీయాల‌లోకి కూడా వెళ్లాడు. అక్కడ తేడా కొట్ట‌డంతో తిరిగి మ‌ళ్లీ సినిమాలు చేసే ప్ర‌య‌త్రంలో ఉన్నాడు. మ‌రోవైపు సోష‌ల్ మీడియాలో కూడా ఫుల్ యాక్టివ్‌గా ఉంటూ అభిమానుల‌ని అల‌రిస్తూ వ‌స్తున్నాడు. గ‌త కొద్ది రోజులుగా స్టార్ డైర‌క్ట‌ర్‌ త్రివిక్ర‌మ్‌పై బండ్ల గణేష్ త‌న‌దైన స్టైల్లో సెటైరికల్ ట్వీట్స్ వేస్తున్నారు. అయితే అది డైరెక్ట్‌గా కాదు ఇన్ డైరెక్ట్‌గా. ఎక్క‌డా త్రివిక్ర‌మ్ పేరుని నేరుగా ప్ర‌స్తావించ‌కుండా గురూజీ అని సంబోధిస్తూ విమ‌ర్శ‌లు చేస్తున్నాడు బండ్ల గణేష్. ట్విట్ట‌ర్‌లో యాక్టివ్‌గా ఉండే బండ్ల గ‌ణేష్‌తో ఓ నెటిజ‌న్ త‌ను ప్రొడ్యూస‌ర్ కావాల‌నుకుంటున్నాన‌ని కోరిక‌ను వ్య‌క్తం చేశాడు.
దానికి ఆయ‌న రియాక్ట్ అవుతూ ‘గురూజీని కలిసి కాస్ట్‌లీ గిఫ్ట్ ఇవ్వు. నువ్వు అనుకున్నది అయిపోతుంది’ అంటూ సెటైరికల్ ట్వీట్ వేశాడు. అక్కడ నుంచి వరుస ట్వీట్స్ వేశాడు. ఇవన్నీ నెట్టింట తెగ వైరల్ అయ్యాయి. ఏదైనా కథ చెప్తే దాన్ని తిప్పి తిప్పి మార్చి మార్చి అదే సినిమా ని తెరకెక్కిస్తారట.. నిజమేనా..?” అని అడ‌గ‌గా.. “గురూజీ అన్నదమ్ములను .. భార్యాభర్తలను.. తండ్రి కొడుకులను.. గురు శిష్యులను అందరిని .. విడదీసే శక్తి ఉంది . మరి ఆయనకు ఇలాంటివి పెద్ద విషయమా ..?” అంటూ కామెంట్స్ చేశాడు. దీంతో స్టార్ క‌పుల్‌ని విడ‌గొట్టింది త్రివిక్ర‌మేనా అని చ‌ర్చ న‌డుస్తుంది.
బండ్ల గణేష్ త‌న ట్వీట్స్‌ను కొన‌సాగిస్తూనే ఉన్నాడు. సాగినంత కాలం నా అంత వాడు లేడంటారు సాగకపోతే ఊరక చతికిల పడిపోవుదురు.. చెప్పడమే నా ధర్మం వినకపోతే నీ కర్మ.. గురూజీ అంటూ కామెంట్ పెట్టాడు. ‘భగవంతుడికి భక్తుడికి అనుసంధానమైనది అంబికా దర్బార్ బత్తి.. భగవంతుడికి భక్తుడిని దూరం చేసేది గురూజీ దర్బార్ సుత్తి’ అని మరోసారి త్రివిక్ర‌మ్ పై త‌న ఆగ్ర‌హం వ్య‌క్తం చేశాడు. అయితే కొంద‌రు నెటిజ‌న్స్‌ బండ్ల గ‌ణేష్‌కి స‌పోర్ట్ చేస్తుంటే కొంద‌రు మాత్రం విమ‌ర్శిస్తున్నారు. ఇటీవ‌లి కాలంలో ప‌వ‌న్ కళ్యాణ్ పేరు ఎత్త‌డం లేదు బండ్ల గణేష్. . ఇప్పుడు ర‌వితేజ‌ను పొగుడుతున్నాడు. మ‌రో వైపు రాజ‌కీయాల్లోకి ఆయ‌న రీ ఎంట్రీ ఇచ్చారు. త్వ‌ర‌లో రాజ‌కీయాల‌లో మ‌ళ్లీ చురుకుగా ఉండాల‌ని అనుకుంటున్నట్టు తెలుస్తుంది. ఏది ఏమైన ఇటీవ‌లి కాలంలో బండ్ల గణేష్ ఏదో ఒక విష‌యంతో హాట్ టాపిక్ అవుతూనే ఉన్నాడు.
