Sridevi Shoban Babu Movie : యంగ్‌ హీరో సంతోష్ శోభన్ హిట్, ఫ్లాప్‌తో సంబంధం లేకుండా సినిమాలు చేస్తున్నారు. మారుతి, మేర్లపాక గాంధి వంటి సక్సెస్ ఫుల్ దర్శకులతో సినిమాలు చేసిన ఫలితం లేకుండా పోయింది. ఎన్నో ఆశలు పెట్టుకున్న శ్రీదేవి శోభన్ బాబు సినిమా కూడా సంతోష్‌ను గట్టెక్కించలేకపోయింది. మెగాడాటర్ సుస్మిత ప్రొడక్షన్‌లో వచ్చిన ఈ సినిమా పెద్ద సక్సెస్ లేదు. ఈ సినిమాకు ప్రశాంత్‌ కుమార్‌ దిమ్మల దర్శకత్వం వహించారు. సాంగ్స్‌, టీజర్లు, ట్రైలర్లతో పాటు టైటిల్ క్యాచీగా ఉండడంతో రిలీజ్‌కు ముందు ఈ సినిమాపై అంచ‌నాలు భారీగానే ఏర్ప‌డ్డాయి.
ఫీల్‌గుడ్‌ సినిమా కావడంతో యువతను ఓ మోస్తరుగా ఆకట్టుకుంది. ఇదిలా ఉంటే శ్రీదేవి డిజిటల్‌ రిలీజ్‌ కోసం ఓటీటీ ప్రియులు ఎంతగానో ఎదురు చూస్తున్నారు. కాగా తాజాగా ఈ సినిమా ఓటీటీ స్ట్రీమింగ్ అధికారిక ప్రకటన అయితే వచ్చింది. ఈ సినిమా హక్కులను ప్రముఖ ఓటీటీ సంస్థ డిస్నీ ప్లస్‌ హాట్‌స్టార్‌ దక్కించుకోగా, మార్చి 30 నుంచి సినిమాను స్ట్రీమింగ్ కానుంది. ఇదే విషయాన్ని సదరు ఓటీటీ ప్లాట్‌ఫామ్ అధికారికంగా వెల్లడించింది.ప్రశాంత్‌ దిమ్మెలా దర్శకత్వం వహించిన ఈ సినిమాలో సంతోష్‌కు జోడీగా తమిళ నటి గౌరీ కిషన్ హీరోయిన్‌గా నటించింది.
శ్రీదేవి శోభన్ బాబు సినిమాలో బావామ‌ర‌ద‌ళ్లుగా సంతోష్ శోభన్, గౌరి.జి కిషన్ క‌నిపించారు. కుటుంబాల మ‌ధ్య ఉన్న విభేదాల కార‌ణంగా ఎప్పుడూ గొడ‌వ‌లు ప‌డే శోభ‌న్‌బాబు, శ్రీదేవి ఎలా ప్రేమ‌లో ప‌డ్డారు?త‌మ కుటుంబాలను ఏ విధంగా కలిపారన్నదే సినిమా కథ. ఈ సినిమాలో నాగబాబు, రోహిణీ కీలక పాత్రలు పోషించారు. కమ్రాన్‌ స్వరాలు సమకూర్చారు. అయితే భారీ అంచ‌నాల‌తో వచ్చిన శ్రీదేవి శోభన్ బాబు సినిమా రిలీజయ్యాక డివైడ్‌ టాక్‌ తెచ్చుకుని డిజాస్టర్‌ కలెక్షన్‌లను రాబట్టింది.మ‌రి థియేట‌ర్‌లో పెద్ద‌గా అల‌రించ‌లేక‌పోయిన ఈ చిత్రం ఓటీటీలో అయిన సంద‌డి చేస్తుందా లేదా అనేది చూడాలి.
